轉眼之間嚟到8月，暑假居然就咁過咗一半！

之後就係開學季，除咗學生叫「好唔想開學啊～」嘅同時，喺度構思緊開學禮物嘅老師、學生會長、系會長都同樣唔想開學，除咗接踵而來嘅開學典禮、新生歡迎會仲有社團宣傳等等活動，必備嘅迎新禮物要點準備都係一大難題。

集比聽到各位嘅心聲啦，今天就嚟公開2019年開學季，學生哥會鍾意嘅禮物清單，令收到禮物嘅莘莘學子都拎住佢打卡上IG，PO上Facebook炫耀！

第五名:：卡套/證件套

小編知道大家一定會覺得黑人問號，呢種東西點會受學生歡迎？

咪住咪住，聽下小編講下先。

而家嘅學生都有學生證同八達通，無論係學校啪卡出入圖書館、實驗室等等地方，八達通作為交通卡使用，甚至可以小額購物，呢兩張卡都同生活密不可分。

如果唔見咗嘅話，可以話係超級麻煩！

有咗卡套或者證件套收好，掛喺書包到，真係可以減低唔見機率，係方便實用又受歡迎嘅選擇之一。

而且而家嘅卡套有更多質料外型可以揀，訂造卡套唔單止更加特別，亦都可以突顯心意。

如果係印上超得意嘅校貓校狗，或係社團Logo造型嘅卡套，拎到嘅話絕對會打上tag同全世界分享！

第四名：環保餐具

同樣係會令人覺得疑惑嘅選項之一－－環保餐具。

唔好睇小環保餐具嘅實用性，每日喺學生餐廳用餐嘅人數有幾多？如果大家都用免洗筷子，一個星期落嚟嘅垃圾量又有幾多？

唔理係免洗筷子定係膠飲管，一次性餐具嘅使用對環境都係大傷害，加上越嚟越多餐廳、便利店同飲品店都陸續唔再提供免洗餐具同飲管，如果學校嘅開學禮物係環保餐具組，亦都非常有幫助。

愛護環境從用餐做起，開學禮物同減塑運動並行，實用又可以愛地球。

第三名：飲料提袋

對學生來而言最實用嘅開學禮大概就係飲品袋！

呢個同樣同減塑政策搭配嘅禮物之一，唔理係買手搖飲料、早餐午餐嘅嘢飲都可以用。

諗下，手上如果拎住厚一厚嘅課本仲有便當盒，實在好難再多出一隻手出嚟拎嘢飲，但係有咗飲品袋嘅話，就唔洗同自己玩疊疊樂，掛住走超方便！

飲品袋受歡迎嘅原因除咗實用之外，仲有一點係上面嘅圖案文字可以自己設計製作，比起一般市面上嘅飲品袋，作為禮物，做出專屬自己學校、系會，融合特色、精心設計過嘅訂造飲品袋一定更有新意。

第二名：手袋掛勾

第二名嘅手袋掛勾，對大學生嚟講絕對係必備良伴。
大學唔似中學，冇固定嘅枱櫈櫃桶可以放課本同私人物品，每日帶嘅嘢都唔少，有時仲多到只可以放地板，有個手袋掛勾嘅話就唔洗好似擺地攤一樣放喺地啦。

無論係便當袋、鞋袋、飲品袋都掛畀你睇，令人即刻晉升為空間魔法師。

除咗功能性，手袋掛勾精緻嘅外型都非常適合送禮，金屬質感高級又優雅搶眼，唔好話學生啦，連社會人士都會鍾意，拎到一定打卡嘅禮物第二名。

第一名：手機支架

既然送禮對象係年輕族群，當然唔少得流行產品！

有唔同造型同質料類別提供選擇嘅手機支架，目前喺學生族群中受歡迎嘅比例極高。

雖然大家都唔希望過度用手機，但有時候上堂，老師黑板抹太快，來唔切抄筆記只好用手機影好事後整理，呢個時候手機支架就可以長時間支撐手機，或者而家流行嘅線上數位授課，有咗手機支架嘅話，就可以邊睇片邊做筆記，亦都係一種有助於學習嘅好工具。

而家嘅手機支架款式越嚟越多元，無論邊種收到都絕對會鍾意，影相po到IG絕對會收到得超多愛心數，想要更特別、更有創意嘅話，訂造手機支架亦都係熱門禮品選項！

每一份禮物都代表一份心意，開學禮物除咗代表歡迎新生之外，其實都包含住支撐同陪伴嘅意涵，點樣送出令新生驚喜、舊生都鍾意嘅禮物，已經係而家開學活動需要考慮嘅方向之一。

面對越嚟越新穎嘅科技同越嚟越講求特殊嘅禮品市場，你煩緊要點送禮？

嚟搵集比啦，唔理係邊種禮物，集比都會同你企喺一齊！