「無線充電器」——簡而言之呢，就像係一台唔需usb cable 嘅外置充電器，只要將手機放喺無線充電器嘅附近（唔超過5cm）就可以好方便咁叉電。唔只係手機，加入無線充電功能嘅Airpods 2 雖然仲未上市，但都係網路上造成好多討論。喺科技越嚟越發達嘅時代，無線充電器亦都會變得更加普及，但究竟買無線充電器係咪正確嘅選擇？本篇文章除咗針對無線充電器做好壞嘅分析之外，仲會簡單嘅介紹使用方法同原理。Guys，無線充電器嘅懶人包都喺晒呢度～～～相信呢篇文章絕對係您考慮係咪要買無線充電器嘅最佳指南。
無線充電嘅優勢
- 只要一個充電板就可以畀幾台設備叉電。
- 出門唔洗再帶一堆線。
- 減少usb cable使用，磨損率減到最低。
- 解決電線收納、打kick嘅困擾。
無線充電嘅劣勢
- 叉電時，唔可以郁手機，要完全平放。
- 叉電速度低過有線充電。
- 造成環境危害。
- 部分手機殼會干擾無線充電。
並唔係所有手機都支援無線充電器
要具備以下三種其中一項功能，手機先可以進行無線充電。
- 內置QI功能。 EX: iphone 8、iphone X、iphone XS、Samsung Note9。
- 背蓋可以打開，將無線充電接收器放喺手機入面。EX: HTC INCREDIBLE 2、Samsung Galaxy S4。
- 背蓋打唔開，可以將無線充電接收器安裝喺手機外面。 EX: iphone 6 / 6 plus、iphone 6s /6s plus。
（資料來源: Persi Studio https://goo.gl/suPPT2）
咩係QI？
QI（無線充電標準）：係短距離、低功率無線感應式電力傳輸互連標準，主要提供行動電話同其他攜帶型電子用品通用嘅無線充電。
（資料來源: 維基百科 https://goo.gl/tMfJuV）
使用方法只要放上去就OK？
- 將無線充電器連接到插蘇。
- 放喺水平面上面。
- 將手機嘅背面同無線充電器一齊平放，或者附近唔超過5cm嘅距離。（如下圖）
佢嘅原理係咩？
無線充電設備嘅充電座接到家用插蘇後，裡面嘅線圈會因為電流產生磁場，當要叉電嘅電子產品靠近無線充電器時，入面嘅線圈會同無線充電器嘅線圈產生感應電流並導引至到電池。
無線叉電 v.s 有線叉電
| 無線叉電 | 有線叉電 | |
| 叉電效率 |  |
|
| 便利性 | |
|
| 環保性 | |
|
| 價格 | |
總結
其實無線充電器因為要額外再用多一筆錢，所以對好多消費者係考慮入手嘅最大因素之一，所以買唔買真係要因為個人需求而見仁見智，不過如果經常整壞線、唔見，甚至係覺得每次出門都要帶一堆線或者外置充電器好麻煩嘅人，或許係個值得買嘅3C用品！