新年計劃成日失敗?令你2019年唔再半途而廢嘅4種妙招

你係咪同我一樣喺新年一開始都會好雀躍咁寫低今年一定要完成嘅事,到咗年底發現仲係一事無成呢? 先等陣!喺設立新年目標嘅你先睇下呢篇文章啦!佢會係輔助您完成2019年新年目標最好嘅小幫手~~~

古人講得好:「凡事起頭難」,當我哋喺開始一件事情之前,成日會先侷限住自己嘅腳步!就好似登山,往往會先抬頭望,一旦發現目標好遠、山好高,似乎要用好大嘅力氣先可以完成,就已經先投降輸一半!但其實到咗山頭、成就大事,都係一步一腳印慢慢累積嘅。所以將來當你要開始一件事情前,可以試下先喺短短嘅十秒之內令身體帶領你嘅頭腦一齊動作!

  • 步驟瑣碎化

係咪只要一諗到運動、睇書、學習一樣技能,心入面就好似有塊石頭難以跨越?將步驟變成蛋糕咁切成一塊塊啦!我要去運動:除低副眼鏡→戴con→除低睡衣→著運動衫→揀首鍾意嘅音樂→著布鞋→以雀躍嘅步伐出門!

「當你喺過程之中,你就會唔記得一開始你將佢諗嘅困難。」將想要執行嘅目標步驟瑣碎化,一旦你一個一個去完成嘅同時,就係往前邁向自己目標成功嘅道路。

  • 設立正面目標

「我要戒零食/嘢飲」、「我唔可以再亂洗錢買嘢」、「我要比XXX仲叻」……Stop!將「減」嘅負面思考變成「加」嘅正面目標!

「我每星期可以飲一次嘢飲」、「我每個月可以有二千蚊嘅quota買自己鍾意嘅嘢」、「我要超越自己為自己驕傲」。

「加」嘅正面目標,可以令您好似玩遊戲達成任務咁有成就感。相反,「減」嘅負面思考反而會因為綁手綁腳令自己覺得好痛苦。當您達成任務之後,發現自己可以繼續往下個階段前進,就再為自己set一個更加難嘅挑戰!

  • 坦然接受失敗

放心!就算上面三個建議都抵擋唔住你想hea嘅心,亦唔洗太過苛責自己,坦然面對失敗其實都係一種勇敢!抱著輕鬆、我會更好嘅心情繼續挑戰下一年啦!

最後,帶住自己努力得嚟嘅甜美果實,揀款啱自己嘅行李牌,嚟一場美好嘅旅行慰勞自己!

註:集比訂造商品展示圖片其中部分款式只作展示用途,

版權為原公司所有,歡迎查詢款式相關問題同製作專屬於您嘅訂造商品哦!