一年一度嘅聖誕節又來啦！無論你現在係學生定係出咗社會，終究逃離唔到每年嘅聖誕交換禮物到底要送d咩嘅困境。學生總有預算嘅問題，考慮到呢個太old-school果個又太貴，而出咗社會嘅人總係會諗要點樣先會送得得體，但又唔想太鋪張。今日小編就整理出5個「超實用聖誕節禮物」，送呢D嘢嘅人肯定會被列選為最佳聖誕老人啦~~

1. 目錄

   頸巾(暖笠笠圍上你嘅心意~)

   

講到聖誕節嘅顏色，不外乎紅同綠，如果話聖誕節送禮想要喜氣D，且又想係凍冰冰嘅天氣想對方暖笠笠，咁送紅色頸巾係最適合不過嫁啦~送嘅對象係女生，不妨揀d有白色雪花嘅款式，更顯得聖誕節美好嘅氣氛，而且女生用紅色頸巾會更顯得皮膚白嫁~

2. 聖誕襪(凍冰冰嘅天氣對雙腳都要暖笠笠呀~)
   

   

如今襪都成為時尚流行嘅配件之一，每日都仲要諗著咩色嘅鞋要配咩襪先夠好睇~當然聖誕節一定要配返個繽紛襪喇。又可以保暖又可以有繽紛時尚感，呢個絕對係聖誕送禮嘅好選擇！

3. 手套(來個聖誕雙手)

   

   (Photo from: Maggie Not Margaret, flickr, CC license)

總說萬能嘅雙手，幫助我哋完成好多事，天氣寒冷嘅聖誕節當然要好好保護一下啦~揀個有聖誕氣息嘅圖案，雪花、聖誕老人、麋鹿等等，反正同聖誕節有關嘅圖案通通放係手就啱啦!

4. 包包掛勾(走到哪掛到哪)

有時去餐廳食飯、課室上堂或係office果陣，隨意將手袋放係地下，但係~~~~你有冇考慮到手袋嘅感受?冇，因為你只係想隨便放…於是呢，手袋好快就變污糟，甚至開始嫌棄佢QQ又或者有D人嘅手袋係名牌，唔捨得放係地下就一直抱住……

總之，手袋需要一個好歸宿， 包包掛勾就係佢嘅好伴侶!咁送禮者送包包掛勾就代表想善待你嘅手袋，自然就會善待你嘅人(咦?)

5. 保溫壺(暖胃暖手更暖心)

   

   (Photo from: mliu92, flickr, CC license)

呢項就唔多講啦，大家都想入手返個。送保溫杯，絕對係超實用聖誕節禮物，因為唔理何時何地，只要覺得口渴，就會需要佢，而且對象無論大人細路都會好啱用!