鍾意用外置手機鏡頭同自拍神棍影相？影完相之餘，濾鏡同修圖APP都係不可或缺嘅要素之一，最近開始熱播，網路討論度超高嘅「延禧攻略」除咗劇情相當精采之外，更特別嘅係，佢同以往我哋一般印象中嘅宮廷劇「還珠格格」、「後宮甄嬛傳」嗰種成日都係大紅大紫嘅配色唔同，用非常舒服又沉靜嘅自然色調，帶畀我哋觀眾同以往唔同嘅享受，仲有好多網友話呢隻係「莫蘭迪色」。

其實好似呢隻色調嘅相已經有好多APP推出呢款濾鏡或者係手動就可以調出嚟，同小編一齊睇落去，令我哋輕而易舉就可以入宮～

莫蘭迪係？

喬治·莫蘭迪（Giorgio Morandi），義大利著名畫家。擅長用瓶瓶罐罐嘅靜物畫或者風景畫作為創作嘅對象，因為畫作配色柔和寧靜、舒緩雅致嘅美感，所以構成比較高級而且渾然天成嘅畫面。

（資料來源：維基百科 https://goo.gl/abhcAX）

關於莫蘭迪色

其實「莫蘭迪色」嘅由來係因為畫家莫蘭迪特別鍾意用灰色調嘅低飽和色作為基調，無論係黃、藍、紅、綠呢幾種鮮明嘅顏色都好似蒙上一層濛濛嘅灰，令原本彩度比較高嘅色彩變低。（就好似下面色塊嘅感覺～）

好想影出呢種效果嘅相啊！

調色

其實只要把握以下幾個原則，任何可以執相嘅修圖APP都可以依照你個人需求隨心所欲咁調出你想要嘅高級質感相哦！

• 色溫調低。（令相本身變成冷色調嘅感覺）
• 褪色調高。（增加復古感）
• 飽和度調低。
• 亮度調高。

濾鏡

最後，如果擔心手殘調唔出嚟亦唔洗驚！好多APP都跟住呢股熱潮紛紛推出風格相似嘅濾鏡效果，只要一撳效果即刻show出嚟，仲唔快啲同小編一齊入宮！