你一定諗唔到！利用一粒磁石，可以令生活更方便，我哋一齊睇下啦！
方法1：幫你將各種線頭排排坐
首先，先將你要排嘅電線，綁上鐵絲。
再將細磁石黐喺office枱或者書枱側邊，黐好之後，無論手機接頭、電腦電源線、傳輸線都排排坐，一眼就可以睇清楚。
方法2：幫你好好咁收好窗簾
拎個你歡喜，諗要改造嘅造型磁石，將造型磁石用熱熔膠黐喺絲帶，再將佢攞嚟收窗簾。
打扮生活嘅小禮物，令你嘅生活獨樹一格(睇厭仲可以直接換咗佢XD)。
方法3：食物罐、野飮樽，擺放方式大革命
諗住煮野食，一時之間，搵唔到調味樽(咁啱你嘅蛋糕新鮮出爐，用好cream之後，要撒朱古力豆嚟裝飾)，但發現，喺料理臺上瓶瓶罐罐嘅食物罐，你根本唔知道每個入面裝嘅喺咩？！
或者喺大熱天行咗成日，番到屋企打開雪櫃，諗住整番杯可樂嘆下 (其實你純粹只喺想飲個有氣野飲www)，響雪櫃摷嚟摷去，就喺摷唔到，(可樂神隱喺最深處，畀一堆野擋住)。
只要好似方法1一樣，喺櫥櫃下面、雪櫃入面上面，黐個磁石，磁石就會幫你吸住D野啦 (當然樽蓋同食物罐要喺金屬質料)。
方法4：以後出門唔驚冇帶鎖匙
打開門口電燈開關嘅蓋，將佢拆落嚟，喺入面黐個磁石，再衾番去。
番到屋企就將鎖匙放喺電制下面，出門關燈之後順手拎起。
仲洗驚出門唔記得帶鎖匙？快D試下呢個方法！！！
方法5：樽身輕鬆洗，唔理佢高矮肥瘦
喺外面買野飲，造型都好特別，諗住留低循環再用，但發現，窄口樽身超難洗。
只要挖開海棉，喺入面放粒磁石，就可以輕鬆解決啦！
諗唔到啦掛！只要利用簡單嘅工具，將磁石製作重新利用，生活上嘅小麻煩，通通都唔洗煩。
快D一齊郁手，透過磁石製作，發揮其他效用啦！
(Photo from Xebe )
※參考影片來源：YouTube-SlivkiShow