因為要推廣環保政策，市面上有好多種唔同風格嘅購物袋之外，好多公司嘅訂製禮物都從3C相關產品慢慢變成印上公司logo嘅訂製收納袋，而你知唔知除咗預算限制之外，喺揀製作收納袋都有啲重點要注意。

以下係訂做收納袋最常出現嘅袋型同功能，其中嘅差異可以針對唔同需求而改變。

體積細嘅購物袋型

可以發現好多藥妝店或者甜品屋喺推出crossover嘅滿額贈品，其中一啲都係會有呢種折疊式嘅購物袋型，外表就好似膠袋嘅大細，質料多數係用尼龍或者聚脂纖維。

• 優點：輕身又可以同卡通人物做結合收納，出門口方面帶，另外質料可以防水同唔易污糟。
• 缺點：唔可以載太重，所以唔建議放太多野，另外摸落手嘅觸感比較薄，小心勾爛或者拉長。

出國一定要有嘅箱上袋

好多公司嘅採購或者行銷喺揀禮物都會諗呢類型嘅訂製收納袋，因為大面積嘅關係可以印上去嘅字數比較多嘅活動名或者承辦機構名，係商務人士或者一般市民都會想要收到嘅訂製禮物。

• 優點：容量大，寬度深，可以放好多嘅野，而且有同行李拉桿做結合嘅互動功能，慳力之餘又減低袋爛嘅機會。
• 缺點：由於質料多數係牛津尼龍，都係屬於比較薄嘅觸感，雖然可以載比較重但都要小心有勾爛嘅風險。

可揹式束口袋

束口袋喺展覽會場或者跑馬拉松活動經常出現，可以印大面積圖案。除咗尼龍，不織布亦都係常見嘅質料之一，宣傳效果好。

• 優點：價錢比較低，袋嘅顏色選擇好多，喺設計方面發展性高。
• 缺點：唔可以載太重，揹袋繩容易磨斷，放太重嘅野也會造成肩膀負擔，雖然係重複性嘅環保袋但都係屬於容易消耗嘅款式。

車上多功能置物袋

長途旅遊要好好利用車內空間，車上多功能置物袋係好好嘅選擇，質料內部比較多用珍珠棉同鋁膜，係公司禮品中比較新興嘅選揀。

• 優點：有保溫效果，除咗放食物，野飲同3c產品都有規劃好擺放位置，另外亦都好容易清潔袋上嘅污跡。
• 缺點：屬於靜態嘅品項，唔可以好似普通嘅購物袋跟身帶，另外版型都比較多係屬於公版，提供訂製嘅設計比較少。

文青風托特帆布袋

布料厚，提供綱版印刷同埋凹版印刷，托特袋型流行，係好多人本身出門就會帶嘅款式，由於實用性高，收到嘅人多數都會重用。

• 優點：帆布質地厚，堅硬襟磨，又有唔錯嘅防水功能
• 缺點：唔易收納，重量亦比較重

唔淨只得上面五種，目前禮物商可以提供嘅袋型相當之多元化，下次喺揀訂製收納袋可以評估下收嘅人嘅習慣同埋您公司想要嘅需求，區區一個袋都可以係show出品牌形象嘅重要關鍵！