又到咗熱浪吹襲嘅季節，想旅遊嘅心，就同夏日太陽一樣愈嚟愈強烈。但係，每次到咗收行李嘅環節，各式各樣嘅衫、琳瑯滿目嘅日用品，全部攤喺地下等裝箱，亂七八糟嘅場面令人卻步，連旅行嘅開心都弱咗幾分。好無助咁喺心中吶喊：「有冇一個輕鬆又快速嘅行李收納法啊！」

（圖片來源：Unsplash）

「你呢個問題問得真係好，我哋都好樂意解問你呢個問題！」呢個夏天，跟住小編學超實用嘅行李收納法，各種雜七雜八嘅物品都「一鍵收納」，從此整理行李唔再係玩樂嘅阻礙！

• 衣物類

唔同衫褲所用嘅折疊方法都唔相同，繁瑣步驟令人頭痛，尤其夏天流汗要更多衫換，整理更係痛苦加倍。

不妨試試看超級簡單嘅衣物捲收法。先將衫褲平整攤開，對摺縮細面積，再從下向上緊緊捲成圓筒狀；呢個方法亦適用於襪仔，將兩隻襪仔疊放整齊，從腳尖處捲上腳跟，再用襪仔開口套上，形成球狀。

衣物捲收法方便快速、適用性廣。捲起嘅衫褲可以塞喺各種角落，做作填充；亦可以包住易碎物品，當緩衝，方便又實用。

配上衣物環保收納袋，排放起嚟就更加一目了然，可以依照唔同類別進行分類。例如：將底衫單獨收納、污糟衫集中打包。另外，收納袋可以拼接組合或者拆開單獨使用，多功能又環保！

透過行李收納術同衣物環保收納袋嘅雙重收納，每件衫都井然有序嘅收進行李箱中。今次旅遊，整理衣服一點都唔頭痛！

（圖片來源：集比官網）

• 飾品類

「飾品係穿搭嘅靈魂」，將靚衫收好之後，各式各樣嘅飾品亦同等重要，但係，零零碎碎又驚壓到嘅飾品，要點妥善收納喺行李箱呢？

偷偷話你知，睇落唔相關嘅手撕雞手套，係被食物耽誤嘅收藏好物。將飾品放入手套，五隻手指可以分裝五個飾品，唔單止成本超低，有手套嘅分隔，飾品亦唔會有碰撞、打撠，出乎意料好用！

至於比較脆弱嘅飾品，一般膠手套難啲防止擠壓，呢個時候，就要一個堅固嘅盒用嚟收納。按壓式收納推推盒，就可以起到保護作用。

塑膠質料，既輕便又穩陣，塞喺行李箱中碰撞都唔會變形，飾品收納其中無比安心。透明外殼，可以清楚檢視內容物，唔怕漏帶或者唔見。大容量仲可以收納叉電線、散紙，超級萬用！

（圖片來源：集比官網）

穿搭喺旅行中相當重要嘅一環，用訂造旅行袋將飾品隨身攜帶，用最好看嘅裝扮出遊，絕對係提升出遊體驗嘅加分項目！

• 洗漱用品類

為響應環保，臺灣行政院規定自2025年起，住宿唔可以主動提供一次性備品，要旅客自備，好多國家亦陸續發布相關法規。 

要自備小型洗漱用品有：牙刷、牙膏、梳、刮鬚刀、刮鬚泡同浴帽，利用體積細嘅特性，可以將佢哋捆起，收埋同一個袋。至於液態盥洗用品，例如：洗頭水、護髮素、沐浴露等，雖然仲有提供，但用自己嘅最習慣，可以將慣用嘅裝入分裝樽，方便攜帶。

小編私心推薦一個超好用嘅收納小物：掛式洗漱收納包，可以將上面提到嘅分門別類收納好，透明隔層令物品一目了然。此外，掛勾式設計可以掛喺浴室嘅牆壁上，拎嘢超級方便！

（圖片來源：集比官網）

最後，開心出遊前，記得要先查詢住宿有冇提供備品，將牙刷、牙膏放入背囊，以免有額外開銷支出哦。

超簡單嘅行李收納法同超實用嘅訂造旅行袋，係行李箱整齊嘅關鍵。而整齊嘅行李，係出遊好心情嘅關鍵。整齊收納嘅技巧，用方便好用嘅訂造旅行袋輔助，再唔洗為咗凌亂嘅行李箱頭痕啦。馬上收拾行李，玩樂一夏！