一年到底有幾多個情人節？！逼死全天下咁多位男朋友嘅節日，但係「閃」盲路人總比做「魯蛇(loser)」、「剩女」獨自過節好，所以都係乖乖計畫下要點過情人節，再送d可以令女友心跳加速、窩心、大哭？嘅禮物比較實在！

真包假包唔重要，重要嘅係入面裝d咩

有時候禮物只係送奢華嘅手袋，入面冇裝嘢總係會令人覺得冷冰空虛，呢個時候如果嚟d額外嘅加分小禮物，一定可以令女朋友終身難忘涕零如雨吸淅瀝嘩啦。當全世界Valentine gift都係精品手袋果陣，你不如都送個名牌袋啦（完全冇誠意XD）！但除咗名牌袋之外，不如再加個小心思，俾女朋友一個驚喜。

首先，你需要一樣嘢

　　那樣嘢可以係睇落微不足道嘅心意卡或係任何可以表達內心諗法嘅物品，就好似：USB 禮品、書籤等。以USB 禮品嚟講，你可以係入面存放你哋倆相處嘅任何回憶，無論係仲係朋友身分果陣一齊參與嘅活動，或係一齊之後嘅第一次約會等，任何大小嘅事都可以save係入面，甚至直接剪接成影片，一定能感動到最重要嘅女主角！不過，呢種禮物送要有d技巧！

所謂大魚食小魚(？)小魚先上，先可以張顯大魚

　　送禮物嘅過程，絕對要先俾女友小東西！帶d 整蠱人嘅意味（喂）當你話：「Baby，情人節快樂，呢個係要送俾你嘅Valentine gift。」女朋友期待咁望住你，你再慢慢咁攞出果個小小小嘅禮物，例如：一張卡片，女朋友可能仲係會先堅持一陣，諗：「係飾品？」但當佢打開卡片，發現就真係得張卡果時，表情或者會有d變化，聰明嘅你，如果發現係火山爆發嘅前奏就…………

要‧先‧匿‧埋‧。XDD

好啦，等待女朋友嘅各種表情，大概就係送禮嘅樂趣，之後就用你嘅方式送大禮喇。經過一輪大起大落，女友大概要喊出嚟。

祝全天下有情人情人節快樂，單身嘅冇所謂啦，就當係商人嘅厄錢日啦！（笑）