近期流行嘅極簡生活，大家開始拎垃圾袋東dum西dum，將房間清理嘅一乾二淨，冇幾日突然要搵dum咗嘅嘢已經欲哭無淚。

所謂「極簡生活」，並唔係要令生活唔方便，而係一種認識自己嘅選擇，對你嚟講生活中重要嘅係咩？

(圖片來源: unsplash)

想要開始極簡生活，先從細地方開始做起。小編為你整理微極簡生活三部曲。

第一曲　清空、整理亂七八糟嘅生活環境

放工後拖住疲憊嘅身軀，返到嗰個好似被轟炸機炸過嘅屋企，廚房油笠笠嘅碗盤仲在鋅盤，沙發上掛住尋日除低嘅衫，「唉．．．好攰，第日再整理。」 係呼你心裡嘅ＯＳ呢？
生活喺一個有太多物品嘅屋企，其實令你好難集中精神專注喺你重視嘅事物上，畢竟喺生活中有太多充滿混亂嘅選擇。搵時間好好打掃、收納你嘅溫馨家庭啦，雖然空間唔係要咩都也冇，但乾淨整齊嘅環境可以令心情沈穩，更容易專注。

小編推薦嘅生活小物－訂造掛勾 /手袋掛勾
輕鬆整理環境！輕輕一黐，唔需要鑿壁挖窿就可以直接用。office、房間、廚房定係玄關，將小物品通通掛上去，日常空間更乾淨！

第二曲　購物前先諗諗　最需要／最實用／最鍾意

瞓喺床上碌碌碌，呢個好睇，一定要買！返工好攰買呢個獎勵自己不為過啩．．．？旁邊甚至仲堆住兩三箱，仲未打開嘅包裹。消費依然係生活必需活動（促進經濟），但唔好再畀折扣、限量、明星代言嘅慾望成為你購物嘅原因，購物前先諗諗－最需要／最實用／最鍾意，主動選擇你要擁有嘅，而唔係畀人哋決定你要擁有嘅。

(圖片來源: unsplash)

第三曲　減少製造廚餘、垃圾

你知唔知？其實雪櫃可以睇出一個人嘅生活狀態。為咗慳錢自己帶飯盒，放工後行進超市，隨手將食物放入購物車，帶住大包細包嘅膠袋離開，返到屋企後,雪櫃竟然塞唔入。清理雪櫃時，又發現過期好幾個月嘅食材，心諗要點處理呢啲廚餘、垃圾，一個夜晚焦慮又煩躁。

發自內心款待自己嘅每一餐，你想吃咩？落廚食飯應該係一種體驗一種享受，留心自己想吃咩，想挑戰咩料理，事先列出清單，冇靈感時都可以參考。買嘢時自己帶環保袋、唔買太多嘅食材，唔單止可以減少廚餘、垃圾，仲可以縮短購物時間，令生活更有效率亦更有意思。

小編推薦生活小物－訂造購物袋/環保購物袋

外型唔單止得意，仲可以一齊環保愛地球。襟用又輕便，可以隨身攜帶，最好購物幫手！用完可以摺疊收好，唔掗空間。

(圖片來源: unsplash)

煩惱呢啲生活小物邊度買？快啲嚟集比行下啦！仲有更多訂造生活小物等你嚟發掘，一齊朝住極簡生活邁進啦！