又平、容量又大嘅外置充電器感覺又正又抵。但你知道，為咗慳果幾十蚊背後要承擔幾大嘅安全風險呢？
-
安全保護措施冇做好
安唔安全嘅關鍵係在於行動電源內嘅電路板同電池之間嘅焊接狀況同絕緣保謢措施嘅品質。如果焊接唔好或者絕緣設計錯誤，就容易因為震動或掉落導致內部短路而造成自燃(就好似新聞報導咁)。
根據網路分享，網友拆解坊間平價嘅行動電源，就可知道其電池芯唔只疑似係回收再用嘅，而且電池同電路板嘅焊接都唔夠穩陣。只要手滑或劇烈搖晃，呢D行動電源就好佚行動「炸彈」咁。真係好危險啊!
-
電芯來源有疑慮
正所謂：羊毛出自羊身上。冇商人會想做賠本生意嘅(如果有，請尊稱佢為慈善家~)…使用回收或平價嘅電芯降低成本，先可以係低廉嘅售價中獲利。而使用廉價電池嘅疑慮係於：廠商設計同生產過程/技術。大家都知道，電池嘅成分—鋰—唔係個安定嘅元素(詳情請見中學Chemistry課本)，如果冇一個良好嘅設計、到位嘅生產技術，就好容易令鋰離子產生異常嘅化學變化導致電池內部短路。
-
外部短路與過度充電
造成外部短路嘅主要原因通常係因為不當嘅人為使用或係保存方式，就好似係充電不當、令外置充電器充電端接觸金屬/磁鐵、摔到，或者係長期處於高溫高濕度嘅環境。一般外置充電器都有過充嘅自動斷電保護機制，所以，如果有過度充電嘅情形發生，通常係因為使用來源不明、品質堪慮嘅充電器或係充電線喔。(切記：一分錢一分貨)
