(截圖自Google)

常見嘅office小物品──杯墊，因為實用性高又貼心嘅功能，喺紀念品製作排行同自用必備嘅清單中都企穩一席地位。

杯墊唔稀奇，吸水杯墊才吸引！你枱面可能都有一片，但係你知道吸水杯墊嘅原理到底係咩？點解可以吸水？吸入去嘅水又到邊呢？

今日就嚟揭開吸水杯墊嘅吸水神秘面紗啦！

Q1：會吸水嘅杯墊有邊啲材質？

A1：目前市場上主流嘅吸水杯墊有兩種，一種係經特殊加工嘅混合物──陶瓷質料，一種係天然物質──矽藻土（或稱珪藻土、矽藻土）質料。

利用毛細現象嚟吸水嘅紙質杯墊，同樣都可以將杯外嘅水吸收，但因為質料關係，可以吸收嘅水量都比上面兩種少，而且只可以一次性使用，就唔喺主要討論範圍。

Q2：咁吸水嘅原理又係咩？

A1：先講下陶瓷吸水杯墊啦！

陶瓷主要係由二氧化矽同其他物質等等粉末組合而成，陶瓷吸水杯墊嘅製作需要1000度以上嘅高溫唔上釉料嚟進行燒製，過程中會令二氧化矽等粉末嘅原子靠得更緊密，而彼此之間留啲小縫隙，令水可以慢慢流入嚟，一層一層停留喺縫隙之中，變成所謂嘅「吸水杯墊」。

矽藻土吸水杯墊同陶瓷吸水杯墊嘅原理有啲相似，不過矽藻土本身係矽藻類死後，細胞壁化成嘅沉積土，利用同陶瓷吸水杯墊性質相似嘅多孔隙特性，令水可以滲入杯墊入面，達成所謂吸水嘅效果。

Q3：吸入去嘅水去邊？

A1：都到空氣入面啦！

無論係陶瓷吸水杯墊定係矽藻土吸水杯墊，吸入去嘅水分都會經由蒸發到空氣中，接住再吸下一杯飲料杯嘅水。

同上面提到，吸水杯墊係藉住孔隙嚟吸收水分，所以都係有一定嘅吸水量，令水分蒸發都需要時間，所以就算可以吸水，都唔好一口氣畀太多水分！一般吸附凍飲杯外嘅水係綽綽有餘。

集比小編自己都有嘅吸水杯墊！

另外，如果杯墊有啲污糟，就用少量嘅布或者係紙巾濕少少水抹；如果係更深層嘅污糟，可以用軟質嘅刷頭加啲小蘇打粉或者牙膏嚟起泡清潔，千奇唔好成塊拎去用鋼刷或者菜瓜布沖水刷。

吸水杯墊嘅清潔竅門就係「越早清理越好」，如果畀有色液體或者係水漬吸太耐，就會越難清，所以都係勤勞至上，一污糟染色就要快啲清理比較好。

你都考慮緊送杯墊做禮物？

嚟搵集比啦，點樣嘅杯墊，集比都可以幫到你！