喺網購方便、線上消費嘅世代，當見到「限量」呢兩個字已經唔再好似以前咁令人心動，好有消費慾望，取而代之嘅係訂造禮物嘅出現，無論係照片印刷、LOGO印製，又或者係自己設計嘅圖稿，訂造禮物都可以幫你達成願望。限量嘅商品仲有一定數量，而訂造就係獨一無二完全為你量身打造，咁嘅商品出產方式你知唔知會用喺邊啲嘢上面？

 

訂造收納袋

身為一個文青，唔理係真文青定假文青都要有個屬於自己風格嘅袋，喺咁多質地當中，最受大家歡迎嘅就係帆布袋啦。由於質料厚、放書同重嘢都冇咁易爛，細細個LOGO或者係圖騰配上單色嘅底色，加埋衣著打扮就係一種有個人風格嘅穿搭。除此之外公司贈品亦好鍾意揀訂造收納袋，成本唔高又可以有效咁宣傳自己品牌，而且收納袋係個輕身、經常可以用到嘅嘢，收到呢類型嘅禮物大家通常都會廣泛使用。

訂造攬枕

從最一開始統一規格正方形嘅攬枕，然後印上一般照片規格縮放嘅比例，到而家流行嘅不規則邊框，攬枕一直都係好受歡迎嘅訂造禮物，除咗可以印人形之外，最多人揀用自己屋企嘅寵物，影張可愛嘅姿勢，令人融化嘅瞬間可以變成攬枕化為永恆！

訂造揮春

農曆新年到，就係要掛上大紅色嘅吉祥話喺門上面，無論係嚟屋企拜年嘅客人定屋主，都可以feel到過年嘅喜慶！如果懶得自己寫對揮春，咁你可以試試喺上面印上你想要嘅圖案和句子，令獨一無二嘅揮春帶嚟好意頭。而2018狗年，屋企如果有養狗嘅朋友都可以將自己嘅寶貝印喺揮春上面，好運汪汪來！

訂造衣架

仲用緊一般嘅鐵絲衣架？有時候加啲造型會令普通衫變得更特別，如果你有經營自己嘅服飾店(實體店面定網路上)，喺影商品時用造型衣架會令視覺上更加加分，常見嘅係呢種鄉村風格嘅動物化風，嚟自法國一位藝術家，擅長描繪動物嘅細節，如果你都想成為衣架上面嘅主角，或係希望另一半無時無刻喺身邊，訂造一個就啱啦！

訂造飼料

訂造禮物唔單止係生活用品，而家連食物都可以為你量身訂造，由台大營養團隊經營嘅營養顧問，透過每隻貓嘅年齡、體重、品種等等各種生理資訊調配適合嘅貓糧！令你屋企嘅貓咪吃得安心健康成長。

“訂造”唔淨係一個形容詞，亦都係一個貼心服務。送禮揀訂造嘅係一種誠意嘅表現，自己用揀訂造嘅係別具一格嘅方式！想要特別嘅，咁就用訂造啦！