「工作量越嚟越多，唔知從邊到開始做」

「我到底要做邊d事先比較好？」

「感覺每日事情都做唔完，日日都OT……」

 

前排喺日本好hit嘅「便利貼工作術」，呢股風潮解決咗好多打工仔嘅煩惱，台灣亦都踏入呢股風潮。

 

便利貼有可重複撕貼嘅特性，將代辦事項、工作項目甚至長期嘅規劃，都可以寫喺便利貼上面，仲可以將佢排列組合到你嘅記事簿或者行事曆做歸類，利用唔同顏色做區分，資訊就可以group埋一齊，令人喺視覺上可以將內容資訊圖像化，更加容易記住。

 

雖然一個個列出要做嘅事情同埋提醒事項可以令人一目瞭然，但都喺會有個疑惑，到底邊D喺我一定要先做嘅事?邊D唔重要嘅可以暫時等等呢?

其實便利貼仲可以決定事情嘅優先次序，喺個人時間管理上亦都有好大嘅幫助，而優先順序就要依照事情嘅輕重緩急嚟做排列。

根據《不加班的便利貼工作術──整理頭腦、管理時間、生產創意、達成目標，一切都能解決！》( 嶋 裕之 著 ) 書中內容，提及所有嘅事情喺可以依照緊急同重要嘅程度分成四組。下面圖片，可明確咁分為A、B、C、D四個區塊。

跟住將你要做嘅事項都寫喺便利貼上，利用這四組做分類劃分，咁分組完後嘅便利貼就會跟順序出現:

A（緊急同重要）→B（唔急但重要）→C（緊急但唔重要）→D（唔緊急亦都唔重要）

其實只要將所有要做嘅事根據呢四組用便利貼分類同實行之後，就會發現喺工作上效率提升好多。好多人成日做唔曬，或者成日覺得時間唔夠用，其實都喺缺乏制定規劃同實行，只要區分到先後順序，將時間集中喺可以展現成果嘅工作上面，最後一定可以收到明顯嘅好成績。

如果想要令自己嘅員工工作能更有效率，不妨將便利貼列為公司禮品，唔同顏色嘅便利貼全部送畀員工，並且喺會議教大家便利貼工作術，相信加班費一定慳番唔少！

今年嘅公司禮品，就揀便利貼啦～