自從前一篇《廁所比你想像中乾淨！飛機上最污糟嘅地方係邊呀？》揭露咗飛機上嘅含菌量指數排名調查嘅結果之後，跟住落嚟，喺呢篇文章會同大家分享點樣喺飛機上面避開啲病菌埋身嘅小秘訣！

Tip 1. 著長褲、長裙

避免著短褲短裙搭飛機，主要喺為咗預防啲座位未清潔好，造成接觸性傳染皮膚病嘅可能性。

Tip 2. 手唔掂眼耳鼻口

病毒唔單止從口入，而且眼耳鼻都喺高風險地區！

搭飛機時要留意雙手衛生，因為餐盤枱、座位扶手、安全帶上面嘅細菌最容易借著對手，直接入去嘴、鼻甚至眼睛、耳仔。

Tip 3. 消毒紙巾跟身帶

跟身嘅收納袋放個消毒紙巾，唔單止可以抹抹手，仲可以清吓自己會用到嘅折疊餐盤枱。因為數量多、打掃用好多時間，餐盤枱容易成為清潔死角。安全起見，自己再清多一次，用落會安心好多。

Tip 4. 貼身用品、食物唔好放喺前座置物袋

就同《廁所比你想像中乾淨！飛機上最污糟嘅地方係邊呀？》文章入面提及，當值空姐空少指出座位前面嘅置物袋都喺個細菌培殖槽！！細細個嘅置物袋唔單止放逃生指南、救生衣使用教學、機上免稅商品消費型錄，仲有乘客將臭襪仔、用完嘅紙巾、開過嘅零食、飲完嘅野飲杯、個人垃圾，甚至仲有尿布放喺置物袋入面。經過咁樣嘅解釋，你應該明白點解唔好將旅行用品、貼身用品、食物放喺前座置物袋啦？！

Tip 5. 勿徒手觸碰食物

飛機餐點中常出現嘅麵包餐包，令我哋唔覺唔覺咁想用手攞、搽牛油或者果醬。注意！喺享用飛機餐點嘅時候，雙手摸咗餐盤枱後，記得唔好係咁用手掂任何食物，亦盡量唔好畀食物接觸枱面。除此之外，飯前飯後都應該要洗乾淨對手或者用至少含60%酒精嘅搓手液清潔雙手呀。

落實個人衛生、注意雙手清潔，強烈建議搭飛機前，將搓手液或者除菌濕紙巾列入旅行用品清單並且放喺隨身攜帶嘅收納袋入面以備不時之需。有咗強健嘅體魄，先可以盡情享受跟著落嚟嘅旅程，喺咪？