繼Y2K潮流，公仔吊飾亦接力重返潮流!各種服飾店都搶先推出公仔吊飾嘅產品。除咗當作穿搭嘅元素，亦成為一個人興趣嘅指標。有啲人掛住超貴嘅精品公仔吊飾，有啲人掛住動漫人物嘅公仔，亦有人掛住公司設計嘅公仔！
唔好只掛喺袋到！五種掛法示範
相信你返工時經常見到掛滿吊飾嘅袋。有n個公仔鎖匙圈點算好？唔洗擔心！小編教你五種掛法，繼續睇落去啦!
鞋
近期流行嘅洞洞鞋，除咗立體設計，公仔亦開始被著到腳上。 平面鞋扣太無聊？掛上公仔，每一步都發射可愛波光! 將鍾意嘅角色人物著喺身上比較易同相同興趣嘅人做朋友!
（圖片來源: 蝦皮）
日常嘅波鞋都可以綁上公仔，利用鞋帶嘅交錯，將公仔嘅掛繩綁上。跟住腳步一齊行，成為配搭嘅焦點！
（圖片來源:小紅書）
水壺
你今日飲咗水未？現代人嘅通病就係將嘢飲當水飲，將可愛吊飾掛喺水壺上，提醒咁忙嘅你，要飲水啦！掛上七彩吊飾後，水壺喺檯上變得更顯眼，喺療癒心情嘅同時，一齊保持健康啦！
（圖片來源：Pinterest）
搵唔到可愛顏色仲可以掛上飾品嘅保溫杯？小編推薦一款淡粉色仲附有吊繩嘅不鏽鋼保溫杯，滿足你想要靚靚造型水壺嘅渴望！
（圖片來源:集比官網 ）
訂造手機吊繩
毛絨公仔風潮延燒到電子周邊，浮誇嘅手機支架同手機殼，就連手機掛繩都出現毛絨公仔飾品。除咗將已經有嘅吊飾掛喺手機掛繩上，自帶公仔嘅款式都好hit！
擁有便利性嘅同時，奶啡色嘅熊仔垂喺一邊，陪你度過完美嘅一日！其他款式、顏色任你揀，歡迎嚟訂製你嘅 訂造手機吊繩！
（圖片來源:集比官網 ）
褲
利用條褲綁皮帶嘅穿孔掛上吊飾，增添搭配嘅色彩同元素。適合返工、返學著制服嘅你，喺同樣嘅服飾中增添個人風格!
（圖片來源：Pinterest）
耳機
鍾意耳罩式耳機嘅人都可以跟上公仔掛飾風潮。喺耳罩上方綁上吊飾或者毛絨公仔，行路時跟住律動一齊搖擺，營造個人特色!
（圖片來源：Pinterest）
睇完小編嘅掛法推薦，係咪對你嘅掛飾有啲頭緒呢？千祈唔好畀佢哋放喺屋企鋪塵，跟住小編嘅方法，帶佢哋出去曬曬太陽啦！