提到日本遊樂場，一定會諗到嘅除咗大家嘅夢王國──東京迪士尼樂園，仲有鬼屋最出名嘅富士急樂園，再嚟絕對唔會唔記得嘅就係「大阪環球影城」（University Studio Japan）！
但大家知唔知？大阪環球影城前排正式更新入園規定，因為考量到安全因素，從2019年11月13日起，園區內禁用腳架（包括單腳架同三腳架）同自拍棍！

（截圖自大阪環球影城官網）

其實唔係只有大阪環球影城禁止自拍棍同腳架，東京迪士尼樂園都有明文規定：「禁止使用各式腳架、自拍桿架等攝影器材（手掌尺寸嘅輔助手把不在此限）」。

（截圖自東京迪士尼官網）

仔細睇嘅話會發現，兩邊嘅規定都有說明「手掌大細」、「唔高過頭部範圍」嘅情況下就可以攜帶。

睇咗半日，所以到底可唔可以用呢？

無論係邊度嘅遊樂場其實都唔排斥遊客開心自拍，但都禁止拎過長、無法收納摺疊嘅自拍棍入遊樂設施，或者喺運轉嘅設施上用。

尤其人潮擁擠嘅遊行，如果用高過頭部嘅自拍棍或者係腳架，唔單止會干擾影響其他遊客嘅視線，甚至會發生碰撞，相當危險。

攜帶原則係以可以收納折疊嘅款式為主，超過呢個大細嘅自拍枇就唔好帶入園。

咁樣嘅話要自拍要點做呢？除咗自拍棍之外，都可以參考手機指環哦！
手機指環種類多又豐富，黐喺手機背面唔單止唔掗空間，自拍錄影仲可以有更多角度。

手上全部都係得意嘅戰利品仲有爆谷桶而拎唔到手機影相？
只需要黐咗手機指環就可以輕鬆掛住手機周圍走，相當方便。

可調式手機支架。

另外，除咗自拍棍外，仲有一啲大家以為可以帶，但其實唔可以帶嘅物品：

• 無人機（空拍機）

而家空拍機越嚟越興盛，好多人會用佢嚟影更豐富嘅角度、更精彩嘅影片，但喺未經許可申請或者喺禁止區域用嘅話，其實係會違反航空法㗎，一定注意下。

• 園區外嘅食物

同台灣嘅遊樂場唔一樣，唔理迪士尼定係環球影城，都係禁止攜帶外食入去。
如果遊客都帶自己嘅食物入去，遊樂場會留低大量嘅垃圾，造成環境污糟邋遢同觀感問題，所以自己嘅外食都係禁止攜帶！

• 滑板、滑板車、直排輪等等

考慮到其他旅客同工作人員嘅安全，除咗工作人員或者係特殊需求，基本上有轆、可以移動嘅承載工具等等，都唔可以帶入區內。

難得嚟到環球影城或者係迪士尼樂園，都一定都想留下美好嘅回憶，但與此同時都千奇唔好忽略入園規定，先可以好好享受喺夢幻之國嘅時光！