小編今次喺新年趁住連假期間去睇咗喺台北華山文創園區所展出嘅「田中達也的奇幻世界 微型展2.0」。唔可以唔講，睇完之後，覺得腦袋有如醍醐灌頂一樣，好似啟發咗另外一種新嘅思維，作者田中達也運用日常嘅生活用品同小人物做結合，影咗好多得意又有創意嘅畫面。

接住落嚟，小編同大家分享幾張我喺展覽入面覺得最印象深刻嘅作品，畀大家都同我一齊行入作者嘅奇幻異想世界！

好保暖嘅睡袋啊！

帶住最鍾意嘅橙色帳篷一齊去露營啦！

一齊嚟玩跳樓機！

咦？呢個鋼琴好有科技感～

咦？客人源源不絕，收唔到工啦！

辣椒同火一樣，都需要水。

呢個memo紙床真係舒適，只係我對腳有~啲~黐~笠~笠~

睇完展覽之後，真係覺得好驚奇！有邊個可以諗到長尾夾倒轉放都可以變成一棵樹？而memo紙只要輕輕平行往上摺少少就可以變成一張雙人床！其實日常生活中嘅人事物或者因為習慣咗就再唔記得去觀察，察覺唔到好多小細節仲係四處充滿新奇同趣味？希望大家睇完呢篇文章之後可以同小編一樣睇完展覽之後有種茅塞頓開嘅感覺。