「新年快樂，財源滾滾旺旺來！」每到新嘅一年去親戚朋友屋企拜年送賀年禮品時，都會送上呢一類嘅祝福語。唔單止係因為我哋希望自己嘅屋企人同好朋友可以喺新嘅一年有個好開始之外，我哋自己亦對於新嘅一年寄予厚望並且期待可以比去年有更好嘅成績，甚至賺更多嘅錢！

2019年就畀小編以豬年開運發大財嘅文章嚟作為喜氣嘅開始啦！注意！以下文章所介紹嘅嘢，除咗簡單容易到手之外，仲係送賀年禮品畀親朋好友嘅最佳之選！

餵飽餵滿豬仔錢罌

中國古代代表財富嘅動物，除咗有名嘅麒麟、獅子、蟾蜍之外，其實仲有豬仔！咁啱今年就係豬年，豬喺古代代表住財富同生育！亦都係點解大多數嘅錢罌都係豬嘅形狀。過年果陣，只要將豬仔錢罌放喺房間或者書房入面，記得，千奇唔好畀佢肚仔空空！有事冇事隨時餵佢，將佢餵得又飽又滿，自然可以帶財入嚟！

竹(豬)你開運發大財

想擺脫2018年嘅衰運？同我一齊種盆開運竹啦！開運竹，又叫富貴竹，其實佢就係一般人話嘅「萬年青」，係屋企好常見嘅開運盆栽，擺喺屋企又靚又開運、放喺office仲可以加強自己事業運！但擺開運竹之前，盆栽上面記得要先綁紅絲帶，先有開運嘅效果哦。

隨時帶住你

新年過後想升職、加薪或者創業？隨身帶住同自身能量相近嘅開運物品或者戴上開運飾品啦！例如：戴尾戒、開運頸鍊、銀包放錢母或者係鎖匙圈掛上得意嘅財神造型USB手指，都可以令自己嘅運氣受到輔助，仲可以避災！你係打工仔？想要薪水高升、工作順利嘅話，就帶上財神造型USB手指啦！除咗開運招財之外，仲可以將你工作資料save低，一插就有，希望無窮。