每個想結婚既女仔心入面都有會個偉大既夢想，就係辦場完美既婚禮，令自己成為最美麗既新娘，比參與婚禮既人都睇到佢有幾幸福，咁就此生無憾！只係婚禮中有好多大大小小既細節要好好處理，新人成日都會為左小事嘈交，令事情做唔到完善成果，到婚禮結束又抱怨邊樣做得唔好而覺得後悔！因為成世人就得一次婚禮，要點樣好好規劃真係一個重要既課題！所以以下整理左部分細節─wedding gift，比新人參考。
wedding gift款式有好多，新奇既、有紀念性既、實用既等等可以比新人揀但咩wedding gift先係你最需要既呢？而且wedding gift又有分︰迎賓禮、進場禮同送客禮，雖然唔一定三個都要送，但係跟住落黎幫你整你呢三種禮應該點準備同點揀。
-
迎賓禮
「迎賓禮」通常係禮金枱上面既，一般新人都會放喜糖之類，通常賓客都會帶小朋友，所以數量可以預多少少。
可以擺類似既糖，望落得人鐘意，又令參加既賓客可以沾沾喜氣或者好似咁樣既棉花糖，令新人甜蜜蜜既喜悅感染參加既賓客。
-
進場禮
「進場禮」就係新娘進場既時候，送比賓客既，可以拎個籃再送比大家，數量方面就唔洗準備咁多，新娘可以依照賓客既重要性黎派。
酒樽塞係最近歐美流行既wedding gift，屋企總會有飲唔晒既酒，呢個時候就可以派上用場，甜蜜既囍字最得人鐘意！
USB手指，可愛新郎新娘造型令大家比婚禮感染，USB手指有實用功能，仲可以預先放入資料，表達對賓客既謝意！
-
送客禮
「送客禮」係賓客離開會場時，新人會送既禮物，數量上大概同迎賓禮既數量差唔多。
可以準備好似呢種細罐既果醬，包裝小巧可愛又特別之餘，仲不失質感。
或者試管型包裝既jelly beans，色彩繽紛，客人拎得方便，唔同以前既喜糖，小朋友一堆一堆咁拎，令拎喜糖既新娘覺得困擾。
睇完上面既整理，你地諗好要點揀wedding gift未呢？好好咁同你另一半研究下，令你地有屬於你地最幸福既婚禮啦！
<圖片為網路截取，版權為原公司所有；若有侵犯或使用不當敬請告知會立即修改內文。>