大家有冇聽過「聯合婚禮」？亦有人稱之為「集團結婚」、「集團婚禮」。

顧名思義，聯合婚禮就係集結所有新郎新娘聯合舉辦、共同進行，同只有一對新人為主場嘅傳統婚禮唔同，當日會同其他組新人一齊完成結婚儀式！

一般人可能會覺得聯合婚禮好似唔夠有結婚嘅感覺，但其實唔係！
根據唔同主辦，主題同噱頭都唔同，之前台灣台中嘅聯合婚禮就有氣勢磅礡嘅超跑禮車陣，舉辦地點都有高級飯店、亦有係漁人碼頭等等戶外空間，求姻緣運相當強嘅宮廟都有舉辦，同傳統婚禮嘅氣氛唔太一樣，非常特別。

婚禮流程除咗當地市長或者官員致詞，亦有可能有藝人歌手獻唱表演，仲會有主辦方畀嘅結婚禮品可以拎。

咁又有邊啲結婚禮物係比較受歡迎嘅呢？

一、首推實用類

準新人最想要嘅不外乎就係家俬電器類商品，好似2020年新北市主辦嘅聯合婚禮就準備咗雪櫃、洗衣機仲有液晶電視畀新人抽獎。

但亦有準新人覺得大型家電其實唔係幾好搬同擺，比起大型液晶電視，好似係氣壓鍋或者迷你烤爐、吸塵器等等細家電都越嚟越受歡迎。

台灣新北市政府同花蓮縣政府之前就為報名聯合婚禮嘅每對準新人一組細家電，令其他縣市嘅人超羨慕！

二、旅遊蜜月行程

政府送嘅蜜月當然要諗辦法抽下！
2019年新北市政府嘅聯合婚禮就提供咗日本、泰國、土耳其等蜜月旅行，雖然因為而家疫情關係出唔到國，但話唔埋會有國內蜜月行程，或者等肺炎平息之後大家都可以留意下聯合婚禮係咪有國外蜜月或係國內高級飯店住宿券等。

三、訂造結婚小禮品

除咗上面嘅禮物，常見嘅仲有將婚禮相、影片save好嘅婚禮訂造USB手指、精緻對杯對筷等等餐具組、訂造結婚證書、香氛蠟燭，仲有講求諧音同傳統寓意嘅麵線禮盒、細金鏟呢啲。

好似訂造USB手指可以保存美好嘅回憶，外型都可以訂造製作，體積細又可以當擺設；對杯對筷都相當實用，尤其對啱啱成立家庭或者要共同開始新生活嘅新人嚟講係相當實際。

非常適合當係結婚禮物嘅質感木製USB手指。

得意嘅對杯組。

（截圖自：pinkoi）

聯合婚禮成本低，慳番繁複嘅傳統儀式同準備時間，仲有政府準備嘅婚禮禮物可以拎，幾乎只要一日就可以完美結束，而且近呢幾年嘅結婚禮品越嚟越豪華，有唔少準新人就係為咗禮品報名，如果唔介意同大家一齊分享喜悅嘅準新人都可以向聯合婚禮嘅方向考慮！

想報名聯合婚禮嘅新人，可以睇下唔同縣市政府嘅民政局官網訊，如果係準備緊聯合婚禮禮物嘅人，都歡迎嚟搵集比商量諮詢！

________________________________________________
集比係製作訂造禮品嘅專業廠商，有任何特殊需求都可以為你量身訂做，製作獨一無二嘅禮贈品。想知道更多詳情？
歡迎致電+852 24343139 、私訊FB Page或email saleshk@xebe.com