(圖片來源：unsplash)

炎炎夏日，居家調酒成為唔少人放工後嘅小確幸。一杯凍冰冰嘅Whisky Soda、一啲自製Mojito，簡單但有儀式感。但你係咪都覺得——就算用到貴酒、調好比例，硬係少咗啲「專業」嘅感覺？

答案，可能就喺啲冰入面！

其實喺坊間嘅酒吧中，我哋常見嘅嗰一種被稱作 「clear ice」 或者 「bar ice」嘅晶瑩剔透、邊角分明嘅大型冰粒，佢唔係隨便從雪櫃挖出來嘅冰，而係經過純水慢凍、去除氣泡、精密切割嘅成果。點解要咁講究？

原因好簡單：冰會影響冷卻速度、稀釋比例、酒體風味，甚至連口感同觀感都會被左右。

呢類透明冰粒喺結冰時其實並非成舊都係清澈無瑕，而係透過特殊設計，引導水中嘅氣泡集中喺某一區域。

只要去除氣泡聚集處，剩低嘅部分就可以成為乾淨漂亮嘅透明冰。反面一般冰格因為四面受凍，導致冰粒從各個方向結冰，唔能夠排氣，自然就會變得霧白、並且有大量氣泡。

訂造冰格，令你喺屋企都可以飲到專業感

(圖片來源：集比官網)

冇錯！要製作真正晶瑩剔透嘅透明冰粒，關鍵就在於專門設計嘅訂造冰格。冰格會特別加厚四周同底部，只保留上方令冷空氣導入，令水從表面往下單方面結冰。訂造冰格設計，可以有效將水中嘅氣泡同雜質逐漸排除到底部，最終形成上層乾淨、透明嘅冰粒，跟住放入雪櫃雪凍大約 24 小時後，就可以拎出嚟成形。

呢種製冰方式，喺調酒圈入面被稱之為「老冰」，不過唔好冰得太耐！過長嘅雪凍時間會導致底部氣泡區都開始結冰，反而無辦法順利分離出清澈部分。

當冰粒完成，只需要用鋸或者刀仔輕輕切割，就可以從訂造冰格拎到完美剔透嘅冰粒。加到你嘅調酒中，唔只降溫效果好，整體觀感同風味層次都立刻Lv up，打造出媲美專業酒吧嘅儀式感。

小竅門 & 懶人包：居家自製透明老冰咁樣做！

(圖片來源：amazon)

想喺屋企都做出專業酒吧等級嘅透明冰粒？跟住以下步驟試一下：

❶ 揀啱水質，從源頭降低氣泡

用煲滾後再攤涼嘅水，或者用過濾純水

煲滾啲水有助去除溶解氣體，可以明顯減少冰粒霧化

❷ 用專門設計嘅訂造冰格

揀底部同四周加厚、只有上面開口嘅冰格

利用單向冷凍原理，令冰由上往下結冰

❸ 冷凍時間掌握喺 24 小時左右

凍太耐會導致底部氣區都結冰，透明度反而會下降

建議時間到就拎出嚟處理

❹ 分離透明部分

將冰從訂造冰格脫模後，用鋸或者刀將上方透明區拎出嚟

保留剔透區，底部有氣泡部分可以唔要或者另外用喺其他地方

訂造冰格滿足你嘅隨心所欲

(圖片來源：集比官網)

唔想太麻煩，只想喺飲嘢時多啲趣味？

咁就從冰嘅形狀、品牌 Logo 等等造型開始訂造你嘅冰格！無論你係熱愛儀式感嘅居家調酒師、籌劃緊聯名提案嘅品牌方，定係想送禮畀識得生活情調嘅大人朋友，一款質感出眾嘅訂造冰格，都可以為每一杯酒增添個人風格同專屬氛圍。

而家就嚟集比，打造屬於你嘅清涼風格啦！