除咗常見嘅環保餐具，環保飲管而家都係搜尋量好高嘅商品！但環保飲管嘅種類咁多，到底要點夫揀？驚買咗又覺得唔好用？

今日集比幫你將常見嘅環保飲管特色同優缺點整理好，令你唔理係考慮價格定係堅固度、便利度，都可以好好睇個仔細，揀最啱自己嘅環保飲管！

》紙質飲管

紙飲管只係一次性用，目前部分嘅餐飲店都可以見到，比起塑膠飲管，紙飲管對環境更friendly點

紙飲管都方便用，唔驚跌唔驚污糟，用完即dim唔洗洗，缺點就係只可以撐一餐飯嘅時間，都唔襟酸鹼，用耐咗就會越嚟越濕同軟，習慣咬飲管嘅人可能會咬到更爛，而且只可以用一次就dim呢點，嚴格嚟講其實都唔夠環保。

花色可以訂造嘅紙飲管。

》矽膠飲管

矽膠飲管有可拆式仲有摺疊式兩種。
因為矽膠材質唔易耗損、可以摺可以彎唔驚變形，帶出去相當方便。

缺點就係比較唔好洗，容易藏污納垢，洗完之後要等到全乾先再收，先可以避免產生異味，一旦出現刮痕最好就要換。

此外矽膠飲管都容易吸到嘢飲嘅味道，所以唔建議用嚟飲味道比較重嘅嘢飲。

唔同牌子嘅矽膠軟硬度唔一樣，部分矽膠飲管可能唔太好吸到珍珠、椰果等等配料。

》竹飲管

可以分解嘅竹製飲管對環境比較無負擔，重量比起不鏽鋼或者係玻璃飲管嚟講輕，攜帶都方便。

缺點就係比較容易刮傷同吸味道、唔耐酸鹼，太大力壓可能會解體，水洗之後如果冇好好晾乾會容易發毛。揀就盡量揀原色，避開染色款會比較好。

》玻璃飲管

玻璃飲管以透明感最受歡迎，同時可以承受熱飲嘅溫度、耐酸鹼，唔易吸味道，管身透明嘅關係可以檢視乾淨度，易洗易打理。

缺點係相當容易碎同裂，係最脆弱嘅飲管質料，唔方便帶，就算放喺盒子入面都仲係好容易撞傷，亦比較唔建議有咬飲管習慣嘅人同小朋友用。

乾淨度一目了然嘅玻璃飲管。

》不鏽鋼飲管

不鏽鋼飲管係市面上好常見嘅環保飲管，襟用堅固唔驚跌，凍熱飲都可以用，而且管徑種類相當多。

缺點係睇唔到飲管內部，比較唔易洗，對於味道比較敏感嘅人可能會feel到金屬味，使用上都要注意安全。

不鏽鋼款雖然都有出摺疊式，但比較少見，而且清洗方面要更花心力同時間。

另外，係買嘅時候都要留意番，最安全有保障嘅不鏽鋼編號係304鋼、316鋼，來路不明或者係未標示不銹鋼成分、編號嘅飲管建議唔好買，使用上都要注意安全，避免受傷。

堅固唔驚跌嘅不鏽鋼飲管，除咗直嘅都仲有彎管嘅。

》鈦金屬飲管

航太工業常用嘅鈦金屬製成嘅飲管顏色選擇多，可以耐高溫同低溫，唔單止重量比不鏽鋼飲管輕，仲相當堅固襟用，而且唔易吸味，遇酸遇鹼都唔洗擔心。

但鈦金屬嘅缺點就係價格偏高，同埋因為係堅硬金屬嘅關係，需要注意使用安全！

而家環保飲管種類越嚟越多，甚至有摺疊式嘅不鏽鋼環保飲管推出市面，有好多使用者會準備唔只一種質料嘅環保飲管，根據唔同場合或者係唔同種類嘅飲品揀啱嘅環保飲管。

限塑政策之下，我哋習慣嘅一性次塑膠製品可能會變得更少，但揀啱自己又品質好、可以用更耐嘅環保餐具或者係環保飲管，甚至作為公司禮品送畀員工，全公司一齊身體力行愛環境，對環境嘅永續發展先係更正確嘅選擇！