好唔容易先買咗個新嘅Airpods，當然要用訂造藍芽耳機保護套好好保護佢，但你有冇遇過「一旦裝好就拆唔落嚟」、「硬殼睇落超得意但結果超難抆」，遇到呢啲最唔想遇上嘅狀況要點算好？
今日要提供大家各種拆殼法，邊日遇到Airpods保護套拆唔下嚟嘅困境，一定可以幫到你！

首先，喺裝上Airpods保護套之前一定要確認好正反面！

造型保護套比較分到正反面，比較唔會裝錯，但如果係淨色或者係最近好流行嘅透明保護殼，裝上之前一定要仔細分好正反面啊！

保護殼有凹槽嘅就係背面！

保護殼上蓋比較好拎，從Airpods蓋銜接處向相反方向施力就會抆落。

比較麻煩都係下蓋，無論係裝反拎唔落嚟定係想換殼但拆唔落嚟，以下幾種方法提供畀你試下！

1.用冷縮熱漲方法，用風筒吹之後推出嚟
保護殼同Airpods之間太實，用風筒嘅熱風令保護殼膨脹，產生罅隙，幫手拎低保護殼。

2.喺保護殼同盒之間抹油或者凡士林
有啲殼如果用風筒吹過都仲係抆唔出嚟，可能就要塗啲啲凡士林或者髮油，減低盒子同保護殼嘅摩擦力，抹油嘅好處一方面可以變滑，一方面喺將保護殼推出嘅時候可以減少啲擦傷。

3.同時擠左右兩邊產生罅隙，畀空氣入去
只有硬殼會抆唔出嚟？造型保護套偶然都會有呢啲問題，如果係用軟膠製作嘅造型保護套，風筒法可能唔太啱用，但可以試下同時用食指撳左右兩邊並向下施力，令軟膠產生罅隙之後，拇指用力從底部推出嚟。

4.用叉電線推
各位苦主推薦嘅方法之一！插上叉電線之後，用蓋食奶嘅力氣用力將保護殼向上推，保護殼就會跟著向上，脫離Airpods啦。

5.牙線棒或者夾仔嘅槓桿原理
從叉電窿嗰邊交叉插入兩條牙線棒或者夾仔等較堅固、有韌性嘅細狀物，運用類似鉸剪嘅槓桿原理，向外施力，保護殼同Airpods之間嘅空隙會更大，再慢慢推出嚟。

如果上面嘅方法都唔得嘅話，就真係只可以小心嘅用鉸剪或者鉗，用直接破壞法，將保護殼拆開啦。

以上方法希望可以幫到大家拆開保護殼！

除咗提供拆保護殼嘅方法，集比其實都可以幫大家訂做專屬嘅訂造Airpods保護套！
無論係矽膠定係軟膠，造型款定係公版都冇問題！更加仔細保護你嘅Airpods就快啲嚟搵集比，集比嘅訂造藍芽耳機保護套絕對可以提供你嘅無線耳機更加完美嘅保護。