送咩先可以送到入心？新年禮物大解析

年尾流流，又準備可以放幾日假喇！但最煩人既問題又黎喇，應該要送咩新年禮物比人呢？相信好多人都會有呢種煩惱，送黎送去都係呢幾樣，冇新意又冇誠意，所以揀岩禮物好重要。雖然唔可以以價值黎判斷一個人既誠意，但至少我地要送實用既，先係重點！

送禮既對象有兩大類︰長輩、上司類；親戚朋友同事類。我們通常睇下同個個人交情有幾深黎決定送咩，但送咩先顯得有誠意呢？呢個係值得探討既問題。

送比長輩、上司，冇得計交情之餘，仲送得好多壓力，而且係要尊重既對象，要送得大方之餘又要岩對方心水，先係最好既新年禮物。

送比親戚朋友同事，揀禮物都唔可以求其，送實用既就包冇錯，就算唔貴重，至少令人覺得你有誠意！

跟住落黎，有幾樣注意事項︰

呢類唔建議送比長輩、上司，除非係個個佢地鐘意食既糕餅，唔係既話比較推薦送比屋企有細路既家庭，因為甜野通常唔太岩大人，但小朋友見到就開心。

財神造型係咪好得意呢？捧著個元寶象徵財源滾滾來，係最岩過年既新年禮物，實用usb手指功能，推薦送比親朋戚友同同事，唔理係學生定係打工仔都要用到usb手指，所以usb手指會係唔錯既送禮之選。

洋酒都好岩送比長輩、上司，雖然酒精對身體唔好，但係係重要既日子飲返兩杯都唔係好過份，重點係酒可以係收藏品，係大眾都接受既禮物。

好多遊客黎台灣都會買台灣茶葉做手信，除左做手信，做新年禮物都係個幾好既選擇，尤其係送比長輩、上司，茶葉禮盒係最保守又唔怕失禮既選擇。

呢類相信係成日會收到既禮品，一黎係送禮既心意，二黎係希望對方健健康康，都算係一種保守又有誠意既禮品，無論係送比邊個都岩。

除咗前面提到嘅財神爺USB手指之外，另一個喜氣應景又好實用嘅送禮就非「尿袋」莫屬啦！無論喺造型款式定喺一般常見嘅金屬款式，佢一定喺用智能手機嘅你嘅好朋友，喺呢個充滿新氣象嘅一年之初，點解唔送個好意頭畀自己嘅partner呢？招財又添福氣！

送禮唔係價值既貴重黎決定，送禮要送得好，自然就要好好考慮，其實只要係對方既角度去諗，收到呢份禮物會有咩感覺，咁就可以知道呢份禮品送得岩唔岩、值唔值得！

<圖片為網路截取，版權為原公司所有；若有侵犯或使用不當敬請告知會立即修改內文。>