成日收到印有公司logo嘅訂製手機貼，的的骰骰又方便帶，一細張就可以將mon抹乾淨，不過長期用落原本白雪雪嘅白色都變成污糟嘅灰色嘅，你係咪有諗過呢種手機貼究竟可唔可以洗？

 

要用咩嘅清潔劑？會唔會傷到啲布？背後嘅黐力會唔會冇曬？諸如此類嘅問題大家都會浮現喺腦入，其實無論係手機貼定眼鏡布，都一定要經常保持清潔先可以keep住用，因為呢種纖維比較細嘅布更加容易黐到灰塵，當時間耐咗再用嚟抹嘢只會造成mon或者鏡片嘅傷害。

 

無論係自己買定公司送嘅訂製禮物-訂製手機貼，其實清潔方式都好簡單，最基本嘅清水洗就絕對沒問題，另外屋企有嘅肥皂、洗手液、洗衣精、洗潔精都可以用，唯獨千奇唔可以用嘅係：衣物柔軟精！！！

由於衣物柔軟精嘅功能係增加衣服嘅香味同柔軟度，如果柔軟精嘅分子keep住入去手機貼入面，呢啲圓形分子塞滿曬啲纖維空間，唔單止降低清潔能力，仲會令啲纖維變粗！呢個就係點解用嚟清潔嘅布料都唔可以用衣物柔軟精。

 

下次當收到呢類型嘅訂製禮物時，可以留意下清潔嘅步驟，畢竟佢唔係一次性嘅消耗品，只要keep得好亦都可以喺生活上面幫到手！