一年一度嘅萬聖節又嚟啦！無論喺朋友之間嘅聚會，或者喺office嘅活動，萬聖節party緊喺唔少得禮物轟炸～～呢邊分享個比較容易操作嘅party禮物盒（Pillow Box）DIY製作，真嘅超easy！大家可以試下，裝入Trick or treat嘅糖畀親朋好友，或者放入其他訂造禮品畀公司客戶等等，盒子大細可以自己調整哦~

準備材料

1. 圖畫紙

2. 禮物盒版型

3. 界刀/鉸剪

4. 彩色水筆

5. 雙面膠紙

>>模板下載

https://goo.gl/9BrKGe (credit to: quwikcards.blogspot)

如果你嘅萬聖節準備得好臨時，嚟唔及自己畫版型，大家可以自己上網揾禮物盒嘅板模，網上資源真嘅好多~呢篇製作喺從一個國外嘅

手工製作網站quwikcards入面參考，裡面有好多唔同創意版型哦~~~

 

大家可以依照你想要嘅大細做版型~虛線部分可以先用界刀輕輕界下，咁樣之後折盒會方便D，千其唔好太開心將虛線界開啊~

 

派盒要黐好嘅部分只有邊緣位，用雙面膠紙黐好，上下兩個開口唔洗黐哦~咁樣禮物盒可以隨意從呢兩個開口打開。

 

呢邊教大家嘅喺蝙蝠造型嘅做法，用塗改液或者顏色筆畫眼睛，記得要剪多對翼啊。

記得蝙蝠翼要留少少邊嚟黐，之後喺派盒背面位黐好 (飛啊~飛啊)

 

Done~~~~~~

 

吸血鬼嘅做法亦都一樣!唔洗再用鉸剪做造型，黑頭髮、眼睛同嘴都可以直接畫，記得要加多幾滴血才夠真啊~~~

 

萬聖節派盒造型當然唔少得南瓜造型，正反面都可以畫，畫好恐怖嘅眼睛同尖尖嘅牙齒，再用塗改液點幾下裝飾下~其實利用唔同顏色紙可以做多幾個唔同造型，要幾多有幾多~就睇下各位創意大師嘅靈感啦~

 

最後嘅最後，終於可以放入你想要送嘅禮物啦~咁嘅大細，如果喺畀公司客戶嘅訂造禮品，啱啱好可以塞入USB 3.0 手指，傳送速度快、存取亦都快嘅USB 3.0 手指絕對喺公司禮物嘅首選啊~另外，如果想要加點趣味性嘅話，放入幾顆糖，有得吃又有得拎~簡單上手嘅萬聖節禮物派盒包裝，喺唔喺創意十足?分享畀你哋啦~~~~~~

>>影片版喺下面：