仲煩緊展覽贈品要送咩好？唔洗擔心！我哋一齊嚟探索呢個充滿創意同驚喜嘅展覽贈品世界。畢竟，一個千挑萬選嘅小禮物，唔只可以令參觀者眼睛一亮，仲可以令你嘅品牌喺佢哋心中住上一排！
點解贈品咁重要？
想像你行入一個展覽會場，展位琳琅滿目。突然，一個攤位嘅得意小禮物吸引你嘅目光——呢個就係展覽贈品嘅魔力！好嘅贈品就好似品牌嘅迷你大使，默默喺收禮者嘅生活中發揮影響力。喺呢個競爭激烈嘅展場之中，一個令人印象深刻嘅小禮物往往可以成為品牌脫穎而出嘅關鍵。
(圖片來源：Unsplash)
展覽贈品界嘅人氣王VS雷品大會
喺小禮物嘅世界中，有啲選擇特別受歡迎，令人愛不釋手。例如救命神器叉電尿袋，邊個唔鍾意呢個喺手機冇電時雪中送炭嘅好幫手？摺疊環保袋唔單止環保實用，仲喺行街時變身品牌活招牌。夏天送上一把精緻嘅迷你風扇仔，令你嘅客戶喺炎炎夏日中優雅納涼，想唔記得都難。
不過千祈要小心中伏！質量差嘅原子筆寫唔到三日就陣亡，咁嘅話不如唔送，或者12月先派嗰年嘅月曆，都好容易畀人覺得敷衍。至於超大尺寸嘅海報，除非你想令客戶當場煩要點帶返屋企，否則真係要三思。
各種預算嘅展覽贈品提案
小資方案：$25以下照樣有好嘢
- 質感帆布袋：行街、野餐都派到用場，曝光率100分
(圖片來源：集比官網)
- 環保飲管組：拯救海龜，亦拯救品牌形象
(圖片來源：集比官網)
中階預算：$25-$75嘅實力派
- 摺疊風扇：造型要夠特別，令人一秒變身文青
(圖片來源：集比官網)
- 訂造卡片套：打工仔必備，有高曝光度
(圖片來源：集比官網)
土豪等級：$75以上嘅王者風範
- 訂造叉電尿袋：跟身電力，隨插隨叉
(圖片來源：集比官網)
- 訂造保溫杯：飲啖水都要有儀式感
(圖片來源：集比官網)
潮流趨勢：新世代最愛
而家嘅展覽贈品已經唔限實體物品啦！限量NFT、APP會員積分、專屬濾鏡等等數位小禮物，唔單止新穎，仲可以吸引年輕族群嘅目光。環保意識抬頭，回收製成物品、種子紙名片呢類創意環保小禮物亦越嚟越受歡迎。呢啲新型態嘅展覽贈品唔只展現品牌嘅創新精神，亦可以傳達企業嘅社會責任理念。
發放小技巧
唔好以為準備好贈品就萬事大吉！派發時機同方式都係一門學問：
- 設計簡單任務換贈品
- 製造驚喜感同期待感
- 令領取過程亦變成有趣嘅體驗
總之呢～
(圖片來源：Unsplash)
送小禮物唔係比邊個大手筆，而係比邊個更識捉到人心。一個小小嘅展覽贈品，可以就係你同客戶嘅故事嘅開始！揀啱展覽贈品，令你嘅預算用得有價值，客戶亦心花怒放，呢個先係真正嘅win win。
最後，善用呢份攻略，令你嘅展覽贈品唔再係食之無味嘅贈品，而係令人愛不釋手嘅品牌寶物！畢竟，邊個唔鍾意收到實用又有趣嘅小禮物呢？快啲嚟集比揀禮物啦！