畢業潮就到啦，親愛的師兄師姐要離開學校啦。你之後係學校就見唔到佢地啦，亦冇得係走廊大叫佢地，或者係活動上聽佢地囉嗦。呢個時候，你想送咩畢業禮物比佢地呢？呢度有份實會令佢地流晒馬尿既畢業禮物！

 

送禮都要潮得起

最常見既畢業禮物來來去去都係花、公仔或者痴晒相既卡，甚至係刻左名既印章，但呢種禮物即使有紀念性，但都還唔夠催淚。你諗下有咩情況係你會情不自禁咁流淚？梗係觸動你心靈既感人事啦，而最打動人心既當然係視覺加上聽覺！某套戲者MV都係咁催淚。

 

起承轉合好重要

首先，你要有專屬師兄師姐既影片。蒐集你地共同既回憶，集結唔同既相同片，就算只係用簡單既整片軟體，只要有起承轉合，都可以觸動心靈。條片既「起」同「承」可以用比較熱情奔放、好笑既畫面，唔理係ocamp定係蝦轆片段，都係好好既題材，而背景音樂都要興奮、歡樂。

開心過後，就係「轉」。放堆團體相，配上催淚音樂同感性文字：「而歡樂即將隨你們而去……」相信睇緊片既佢地都會眼濕濕，個心乸住乸住。到就完既時候，可以用緩和既配樂，加上校園場景，記得送上祝福！多謝佢地既陪伴：）

 

有片當然要有公仔USB手指

有左條片，梗係要有隻特別既USB放！送師兄師姐一個公仔USB手指，唔止造型獨特，好似呢款畢業造型既公仔USB手指，實用之餘仲有畢業既象徵。如果預算夠，仲可以訂造專屬公仔USB手指！

成世人有幾何會叫師兄師姐？同佢地好好道別，用心揀岩佢地既畢業禮物啦！