咁嘅行銷手法,你會唔會埋單?

隨住唔同商家不斷出現,為咗要增加自己品牌嘅業績,除咗要捉住消費者嘅心同時都要提升自己品牌嘅知名度,聰明嘅店家迎合而家嘅趨勢,以”卡通插畫crossover”,推出好多宣傳禮品,無論喺滿額送定喺包裝,都令人有耳目一新嘅感覺,面對咁嘅行銷手法,你肯唔肯埋單呢?

喺貼圖界很hit嘅「卡娜赫拉」,從日本一路紅到台灣,周邊商品亦都借住呢股風潮慢慢變多,而有名冬甩店mister donut睇準商機,同佢合作共同將少女心發揮得淋漓盡致,利用主角usagi同P助嘅顏色結合冬甩嘅口味,好似士多啤梨等於粉紅色、糖漿用白色等嘅特徵,加埋朱古力醬畫五官,果得意樣令人都唔捨得一啖。

圖片來源:instragram

當然有食嘅就要買野飲,mister donut好畀心機咁推出一系列嘅造型杯蓋同杯套,為期兩個月嘅活動一共有八款,如果要收集到每個唔同嘅造型杯蓋就要參加”週週驚喜”啦,另外DM嘅右下角出現「每款限量製作、用完為止」嘅字眼,唔好講卡娜赫拉嘅粉絲啦,就連小編都心郁郁,就算唔頸渴都會忍唔住買番杯嚟飲!

圖片來源:mister donut官網

而最好嘅行銷渠道就非FB/IG莫屬,咁得意嘅畫面無論邊個都會影張靚一靚嘅相upload上FB/IG,跟住朋友仔見到,朋友嘅朋友都要跟風,就咁樣一傳十十傳百,所謂「你有嘅我都要有」心態,令mister donut同卡娜赫拉造成winwin局面,呢個就喺宣傳禮品嘅厲害。

圖片來源:instragram
圖片來源:instragram

注重食品嘅包裝一直以來都喺好多品牌都會用嘅行銷手法,因為外表夠醒目,買嘅人就會唔自覺咁增加,喺食同飲之前,視覺完全代替味覺。除咗mister donut,清心福全亦都用相同手法,從蛋黃哥嘅野飲包裝到Hello kitty,都捉住大人細路嘅心。所以話,呢種用視覺打入消費者嘅心嘅手法,對於大多數人嚟說喺一個相當成功嘅行銷!