隨住而家每部智慧型手機不斷推陳出新，功能性當然亦跟住大幅提升，除咗更加方便用之外，相機影相功能亦都係消費者注意嘅關鍵之一，而你知唔知有部好手機加埋近期流行嘅手機外接鏡頭，影相亦都可以輕輕鬆鬆有相機一樣想要嘅效果？今日小編就要好好咁同大家介紹，活動禮品推薦中NO.1嘅訂造手機外接鏡頭！

一般嚟講市面上最常見到嘅就係廣角鏡、魚眼鏡、微距鏡三款，你可以喺好多電子產品販售店見到呢種三合一手機外接鏡頭， 而價錢從幾十蚊到幾千蚊上下不等都有，你或者會對幅度起伏咁大覺得奇怪，但一分錢一分貨呢句說話可以從呢啲外接鏡頭驗證到，特別係身為使用者就可以切身feel到。

 

廣角鏡

一般人亦稱為自拍鏡。如果想要喺同一個畫面可以影到比較多人，咁廣角鏡就係最好嘅選擇，可以擴大相機影相範圍，另外對象唔只係人，如果係想要紀錄靚一靚嘅風景相，用廣角鏡亦可以大範圍影，將所有風景收入去你鏡頭之下。

魚眼鏡

你可以見到很多相會呈現微凸、圓形感，呢種有藝術效果嘅相，就係魚眼鏡帶嚟嘅效果，就好似從水中向水面上望嘅視角一樣。

微距鏡

物品距離鏡頭太近，通常容易有失焦嘅問題，如果想要影好似係顯微鏡下一樣嘅相，咁微距鏡一定可以幫你完成特寫物體局部同近距離對焦問題。

如果你係屬於第一次用外接鏡頭嘅人，你可以揀上面介紹嘅三種鏡頭試下影，下次收到公司派嘅訂造手機外接鏡頭，建議你可以影多幾張相玩下，睇下呢啲好玩嘅鏡頭，或者會帶嚟唔一樣嘅驚奇視覺效果。