mon大概係我哋而家每日睇得最耐亦都係最常接觸嘅嘢，e.g.：電視mon、電腦mon、手機mon、平板……等等，但空氣中嘅灰塵粒子、手同臉上嘅油、甚至打哈嚏都會產生汙漬，輕則睇到都唔舒服XD，重則長期整污糟、刮花個mon或者mon貼，連細菌殘留都會對我哋身體產生一定嘅危害性，所以清潔mon就成為一門好重要嘅課題。
點解用紙巾唔得？
紙巾係我哋身邊最容易隨手攞到嘅生活用品，但無處不在嘅灰塵時時刻刻黐喺鏡片或者mon上面，當你拎紙巾隨手一抹就極有可能會造成mon上面小刮花。
嗰啲經常做但係錯嘅動作
- 來來回回或者畫圓圈嘅方式抹。
原因：容易將mon磨傷或者越抹越污糟。
- 用含有酒精、酸性、鹼性成分嘅清潔劑抹。
原因：造成mon上面嘅鍍膜脫落同損傷。
清潔mon正確SOP
工欲善其事，必先利其器！在清潔您心愛嘅mon之前事先準備好下面三樣嘢，每樣嘢都係有代替品，唔一定要去買先得，屋企如果有現成嘅都可以攞嚟用。
- 純水濕紙巾 or 未拆封海綿 or 專門清潔mon用海綿。
- 螢幕專用清潔劑 or 洗潔精+水 or 白醋+水。
- 螢幕擦拭布 or 拭鏡布 or 超細纖維布。
- 抹前先熄mon。（灰塵都見到晒）
- 記得先將灰塵粒子呼呼吹走～
- 濕抹：用純水濕紙巾，由上而下嘅將油漬溶解。
- 乾抹：趁水仲未蒸發之前，用螢幕擦單一方向將佢抹乾。
X 唔好再用呢啲抹mon
- 紙巾。
- 餐巾紙。
- 有香料成分嘅溼紙巾。
- 毛巾。
上面提及嘅都有可能對mon造成刮花同變質，要特別注意！除非喺特殊情況，當下手頭上冇專業清潔用品，可以暫時用嚟應急，否則建議大家都係買埋專門保養mon用嘅擦拭布先係長期之道。