每次連放幾日假，無論打工仔定係學生哥，都會係吃野訓教吃野再訓教！約極都約唔完既聚餐，食極都食唔晒既中秋禮品，係美食中流連忘返，毫無節制咁放幾日假。但係放完假一企上個磅到，你會希望…一切都係夢！

BBQ前戲  變肥既開始？！

中秋節好多人都會一邊BBQ一邊賞月。岩岩燒個陣，總會忍唔住食下薯片、燒下棉花糖。同朋友去燒既話，當然唔少得飲返兩杯啦，更何況啤酒係西人既涼茶！咁樣加埋加埋，你既熱量又加埋加埋，真係諗下都覺得恐怖！所以你想食想飲個陣，記得要諗下熱量，咁你就會知道自己應該要做咩啦！

月圓人圓？新一代月亮面非你莫屬！

除左BBQ，糖水都要警惕。BBQ完，就開始食下經典中秋禮品—月餅，飲下腐竹雞蛋糖水，熱量都唔好睇少。根據調查，細細粒月餅已經係一碗白飯既熱量…無論一口氣食定係一個分開幾餐食，熱量一樣嚇人。

解決根源，唔會嚇親人既中秋禮品

既然咁冇節制，咁就唔好送令人擔心熱量既中秋禮品，比月餅好少少既就係碌柚，有豐富維他命C又可以解油膩，BBQ完飲返杯柚子茶仲可能消滯。不過碌柚糖份高，所以2至3片就有60卡路里，食晒成個既話，一樣都會超過一日需攝取既水果量（120～180大卡）。

此乃非食用品！你唔好亂黎啊！

依家有好多中秋禮品都行實用路線，好似月餅造型既USB手指，講究既紋路就好像真既月餅咁，當中秋禮品咁送比人，相信會令人大吃一驚，或者可以玩返個整人遊戲（笑）。除左USB手指，好似吊飾、鑰匙圈或者裝飾品都有出月餅造型，所以為左大家著想，送月餅造型既商品可以避免囤積熱量，仲夠晒實用。

想放完假都唔會肥，除左唔好食、食少少之外，仲要做運動同多飲水，加快新陳代謝，咁就可以安心過節啦！