訂造禮物設計圖檔繳交須知!

(Photo credit: theilr via Visual Hunt / CC BY-SA)

集比提供各種禮物訂造服務,可以依照你嘅需要同提供嘅圖檔嚟做結構圖。做結構圖嘅過程中,因為關係到弧度、形狀、線條嘅調整,所以需要你提供ai格式(可以無限縮放嘅檔)嘅design檔。(關於ai檔,麻煩參考→【設計前攪清楚先!圖檔類型同影像格式有邊啲?】)

接住落嚟會簡單講解下繳交設計圖畀集比嘅檔案類型同注意事項。

Illustrator原始檔案格式,是ai類型,圖喺用ai勾線嘅點、數學運算式成形,所以可以無限縮放、彎曲,圖都唔會變鋸齒。是做結構圖、打版或正式做貨時必備嘅圖檔

※AI檔經常因為Adobe Illustrator嘅版本唔同或者冇得轉外框而導miss圖或字體偏咗嘅問題,所以需要平面圖嚟對稿。(咩喺文字轉外框?點樣做?參考→【點將AI檔嘅完稿文字轉外框曲線?】)

  • EPS

EPS檔可以兼容多個美工設計軟件(例如Illustrator, CorelDraw, Photoshop)並且可以編輯嘅影像儲存格式,可以儲存點陣圖ai圖。EPS檔唔會因為縮放、變形而有鋸齒。所以可以作為做結構圖、打版或正式做貨時必備嘅圖檔

※EPS檔嘅完稿文字一定要轉外框,唔喺都會令到有miss圖或字體偏咗嘅問題。

  • PSD

Photoshop原始檔案格式,喺點陣類型。喺組裝圖時可以接受嘅圖檔,但唔可以用喺打版做貨!只可以做彩色列印嘅design檔,而且解析度一定要有300dpi以上。

※如果客戶無辦法提供AI檔,集比可以根據PSD檔嚟描圖,但需額外收描圖費。

  • JPG/JPEG

作為對稿用嘅平面圖。不可用於打版或者大量生產嘅貨上面,會產生鋸齒邊打格仔嘅效果。只可以用喺彩色列印(例如:USB手指卡),而且解析度要有300dpi以上。

※當客戶無辦法提供AI檔,集比可以根據JPG/JPEG檔嚟描圖,但要額外收描圖費。

  • TIFF

作為對稿用嘅平面圖。唔可以用喺打版或者大量生產嘅貨上面。只可以用喺彩色列印(例如:USB手指卡),而且解析度要有300dpi以上。

※當客戶無辦法提供AI檔,集比可以根據TIFF檔嚟描圖,但要額外收描圖費。

  • PDF

PDF檔喺唔能夠改動嘅平面圖,所以唔可以用嚟做貨、做結構圖,適合作為對稿用檔案。另外,PDF檔嘅解析度高、圖可以無限放大唔會矇,只可以用喺彩色列印。由於PDF檔喺轉檔後先會有嘅檔案,所以客戶最好要畀埋原始檔。

 

集比訂造造型禮物大多數都要依照客戶嘅原始design圖嚟製作結構圖。所以,線條、形狀無辦法自由更改嘅點陣圖同唔可以再次編輯嘅圖檔都喺無辦法繪製成開模需要嘅結構圖哦!