（圖片來源：unsplash）
你有冇聽過「五感教育」？
蒙特梭利教學法強調以小朋友嘅學習需求為核心，透過觸摸、觀察同實際操作等等五感體驗，幫助小朋友掌握抽象概念，例如數學邏輯同文字認識，繼而提升整體學習效能。
其實，打造五感學習嘅環境並唔難——從日常生活出發就行得通。今次，我哋就從「食育」開始，陪住小朋友喺廚房中，一邊郁手做、一邊快樂成長。
食育 × 五感：令小朋友喺廚房長出學習力
畀小朋友親手參與食物嘅準備同烹調，唔單止可以激發對食物嘅興趣，更加有助於培養手眼協調、小肌肉發展，並從中獲得成就感。對爸爸媽媽嚟講，第一步就從小朋友力所能及嘅小任務開始，畀佢哋喺參與中建立信心，成為廚房入面嘅小幫手！
呢篇文章將 1-7 歲嘅小朋友分為三個階段，帶你一步步了解，唔同年齡層嘅小朋友可以參與邊啲活動，輕鬆打造親子共學嘅美味時光。
初階（1-3 歲）｜從感官探索開始
對於好細個嘅小朋友嚟講，烹飪嘅參與唔喺在於完成「料理」，而係透過感官探索，建立對食物、對身體動作嘅基本認識。呢個階段嘅活動設計重點，係令小朋友願意參與、敢於嘗試，並從中建立「我可以幫忙」嘅自信感。
- 打蛋液：訓練手眼協調與小肌肉發展，同時觀察蛋白同蛋黃混合嘅過程，獲得視覺上嘅成就感。
- 處理蔬菜：好似撕菜葉、搣四季豆、抆番茄椗，簡單又充滿觸覺刺激，亦幫助小朋友認識唔同蔬菜嘅形狀同質地。
- 和麵糰／玩麵粉：好似喺玩黏土一樣嘅觸感體驗，促進大小肌肉協調，認識食物嘅變化。
（圖片來源：unsplash）
中階（3-5 歲）｜從細節動作到時間感知
進入中階年齡，小朋友嘅動作控制力同認知理解逐漸成熟，可以進一步進行比較細緻嘅任務，並開始建立「前後順序」、「時間等待」等邏輯概念。
- 加調味料：用茶匙加入鹽、糖等調味品，練習穩定手部動作，並學習份量同比例嘅概念。
- 設定計時器：煮蛋、烘焙時請小朋友設定同提醒時間，幫助建立時間感同責任感。
- 撒芝麻或者芝士碎：融合創造力、精細動作同自我表達。小朋友可以自由設計圖案，增加參與感。
- 貼標籤分類：幫調味罐貼上「糖」、「鹽」等等標籤，透過識字遊戲認識文字同物品歸類。
（圖片來源：unsplash）
進階（5-7 歲）｜進入邏輯同創造力嘅實作階段
入小學前後，小朋友嘅動作控制同理解能力大幅提升，可以從單純參與進展為具備邏輯同創意嘅實作行動者。
- 規劃菜單同購物清單：討論「今日想食咩？」、「要買邊啲材料？」培養邏輯排序同表達能力。
- 餐具擺盤設計：訓練整體統整同美感，提升小朋友嘅責任感同參與感。
- 和麵糰同設計造型：例如包水餃、壓餅乾模具，呢啲動作需要高度專注力同肌肉控制。
- 初階熱源操作（大人陪同）：好似煎蛋、組裝三明治等等，建立順序感同自我完成任務嘅成就感。
安全亦係學習嘅一部分：記得戴上訂造隔熱手套「防焫手防護」
（圖片來源：集比官網）
小朋友入廚房，除咗有趣同探索，安全當然不容忽視。好多爸爸媽媽會喺一開始就準備圍裙、清出操作空間，但其實仲有一個容易被忽略嘅細節，就係小朋友嘅手部防護。
就算小朋友唔會直接點熱鍋、焗爐或者明火，但喺好奇心嘅驅使之下，佢哋好可能伸手去摸「睇落冇咁熱」嘅鍋蓋或者餐盤。尤其當佢哋開始參與放麵包入焗爐、翻煎食物等等步驟時，更加需要加強隔熱防護。
呢個時候，訂造隔熱手套成為不可或缺嘅裝備。市面上常見嘅隔熱手套大多數係成人尺寸，小朋友戴咗容易跌或者會笨手笨腳，反而造成風險。相較之下，揀訂造隔熱手套可以提供更fit、更舒適嘅保護，唔只實用，仲兼具安全同安心。
（圖片來源：集比官網）
而且，好多家長仲會喺訂造隔熱手套上印上小朋友嘅名、鍾意嘅圖案，令小朋友感受到「呢係我嘅專屬裝備」，更加樂於參與烹飪過程，亦提升整體嘅儀式感。
當你同小朋友一齊準備食材時，順手戴上訂造隔熱手套，亦係喺無形中傳遞一種重要訊息：「料理時，安全同細心一樣重要。」
（圖片來源：集比官網）
最正嘅係，一對訂造隔熱手套唔只係工具，仲可能成為小朋友成長過程中珍貴嘅紀念品。好多年過後，佢可能仲會記得，嗰對第一次陪佢煎蛋、焗餅乾嘅訂造隔熱手套，係你用心為佢準備嘅第一件「大人嘅裝備」。