聖誕禮物:這個禮物你不知道怎麼說得過去?

每年聖誕節前夕,好多人又開始煩惱聖誕禮物要送d咩,從個人、團體到公司行號,順著聖誕節嘅熱潮同價錢,聖誕禮物就變成咗每年必花心思嘅項目!

聖誕禮物要送d咩呢?諗下有d咩係最唔想收到咪知囉!

1.糖果/餅乾

糖果餅乾固然好食,但係絕對唔可以拿嚟當作唯一嘅聖誕禮物!之所以會話唯一,係因為如果同其他主要嘅禮物,就還OK。但如果係唯一嘅聖誕禮物,就顯得非常冇誠意,試諗下,如果交換禮物收到糖果餅乾,收禮人往往會覺得係送嘅人臨時係樓下7仔買嫁啦!

2.太搞怪嘅東西

創意唔等於莫名其妙,有時為咗貪新奇,會故意送多數人都無法接受嘅產品。例如:嘔心路線造型:大便造型軟糖;血腥嘅斷指手機座;假曱甴等等,雖然揀禮物嘅時候自己可能會笑得開懷,但係,過咗聖誕節後,可能就同對方講bye bye。(汗)當然,如果你哋交換聖誕禮物嘅目的,就係睇邊個可以變出最令人意想不到嘅嘢,咁就另當別論啦。

(Picture From: giphy)

3.太有「個人標誌」嘅物品

咩係「個人標誌」呢?舉凡服飾、鞋襪、飾品、香水,呢d好重個人喜好問題嘅物品,都係送禮應該要小心嘅,除非你好清楚知道收禮人嘅嗜好同習慣,否則呢d嘢都要避免,如果唔係你應該唔會想見到自己嘅禮物收係對方嘅書櫃或係櫃桶掛?(話說如果收係呢d地方對方應該都唔會俾你知道啦……XD)

(Picture From: giphy)

 

避開呢d物品,最佳嘅聖誕禮物就係:有濃厚聖誕節氣氛嘅嘢啦!

無論係聖誕老人、聖誕樹、馴鹿或係雪人,將呢D造型同具有實用功能產品結合,就係最佳嘅聖誕節禮物喇!好似係:八達通配飾,或係USB、USB線等,不只有過節氣氛,日常生活都會用得著!

(↑↑如果呢個係八達通配飾,應該都幾得意嘅。薑餅人:HI~)

仲有邊D聖誕禮物呢?不妨提出嚟等大家一齊係呢個節日中求存喇!XD