講到「文青」你會諗到咩呢？圓眼鏡、漁夫帽、黑寬褲？仲有帆布袋？
或者每個人對文青嘅裝備有唔同嘅聯想，但無可否認嘅係，「帆布袋」絕對會係其中一個公認嘅物品！
時裝雜誌嘅贈品或者係服飾店都會出現嘅帆布袋，普通又平凡，但到底點解唔會退流行呢？
- 圖案簡單，同埋「留白美學」
以視覺感受嚟講，簡單嘅設計同顏色通常比較百搭。
帆布袋嘅色彩分布通常唔會太多，就算比較搶眼colorful，圖案都唔會佔太大嘅版面。
留白嘅空間更加可以營造簡約但又高級嘅印象！
加埋大部分嘅帆布包主體離唔開黑、白兩個色系，所以無論用咩顏色互相配搭都絕對好好睇。
（截圖自google）
- 唔容易污糟、唔驚刮傷
帆布嘅其中一項優點就係唔易污糟，不如話有啲使用痕跡嘅帆布袋先更有味道！
另外帆布袋唔驚刮亦唔驚撞，皮質手袋、編織袋等等偶爾會產生刮痕、擦傷或者係拉扯變形，睇到就心痛！但係帆布袋又襟磨又唔易有刮痕，粗糙嘅質地仲唔驚勾爛，帶到邊都可以放心用。
- 可以水洗、好保養
帆布袋嘅保養方式簡單又方便，真係遇到太污糟嘅狀況，用水洗下就可以恢恢復成新一樣。
而且保養方法同衫差唔多，基本上洗衫用嘅洗衣粉都可以用喺帆布袋嘅清洗上，唔洗特別送洗，非常好保養。
- 可以訂造，反映個人特色
呢點應該係最吸引人啦！
唔鍾意同大家撞衫、撞袋嘅人絕對會揀帆布袋，唔似其他潮牌或者係名牌袋通街都係，帆布包唔單止可以訂造自己想做嘅形狀、設計同顏色，甚至仲可以印上自己鍾意嘅文字，扣上襟章、吊飾嚟裝飾屬於自己嘅帆布袋，係可以突顯自我性格仲有品味嘅物品。
集比訂造造型帆布袋。
- 堅固襟用，任何場合都啱用
再得意型格，都係希望袋夠襟用！
帆布袋嘅車工穩陣，可以承受一定嘅重量，容量通常都唔細，出門shopping可以當係環保袋用，或者係上堂進修裝notes，就連約會、旅遊都好啱用。
而家有越嚟越多人會注重環保而自備膠袋重複用，但如果係唔鍾意膠袋廉價感嘅人，集比小編推薦帆布袋，令購物袋同fashion兩者都兼顧到！
除咗帆布袋，集比都有環保袋製作嘅服務，靚靚嘅印刷同版型，作為訂造禮品絕對適合！
