如果你同小編一樣係「三上」必戴耳機者，上車戴、上廁所戴、返工返學都會帶，大概每日都會有將近5分鐘喺解決耳機打kick嘅問題！
到底點解從衫袋或者手袋拎出耳機，永遠都係打kick嘅狀況？明明整順咗但一入到衫袋就好似有魔法一樣？
今天就嚟簡單講講會影響耳機線成日打kick嘅原因同提供你各種改善方法。
空間、粗細、長短、種類、質料都會影響打kick機會
空間：
有將耳機塞入衫袋習慣嘅人應該會特別有感覺！
空間越細越逼嘅地方，手袋、衫袋等等地方都係最容易打kick嘅地方。
長短：
耳機線長都係關鍵，46到150cm嘅線長係最易打kick嘅一段位，大家可以量下自己嘅耳機線係咪呢段範圍。
粗細：
除此之外，線嘅粗細都會影響打kick機會，越粗、越寬嘅線越唔容易打kick，有玩過裁縫嘅人大概可以理解，細長嘅繩真係超易「糾結成一團」。
質料：
編織線係最容易打kick嘅一種！同樣粗細嘅繩，如果係編織繩質料嘅話一定會打kick打到崩潰，相反係，越硬嘅耳機線比較唔易kick埋一齊。
線會打kick其實有一套相當複雜嘅公式，加埋耳機唔單止有啱啱好長度嘅線，仲有兩邊嘅耳機頭，體積細又有啲重量，會增加打kick機會。
想要避免每日嘥時間喺解開耳機線，或者唔想增加耳機線嘅耗損率，唔少人會直接用無線耳機，如果唔想再買新耳機嘅話，下面嘅物品同技巧可以幫到您！
八字收線法
完全唔用任何工具或者物品，只要手就可以簡單收！
先伸出兩隻手指比yeah（或者豬蹄手都可以），將耳機線以數字8嘅軌道一圈一圈捲喺手指上。
呢種方法就算線圈睇落逼成一團，但實際上完全唔會打kick。
（文末有連結可以參考！）
耳機收納包
懶得捲半日嘅人可能都係覺得八字收線法好麻煩，唔緊要！那就推薦耳機收納包，不過放入去收納包之前都係要整理一下！
否則收納包嘅空間好細，亂塞入進都係會打kick。
（截圖自：E-BBOKS）
唔想用八字收線法，亦覺得用收納包會掗位嘅人，推薦壓箱法寶──耳機捲線器。
簡單嘅將耳機線捲一下，用訂造捲線器扣上去就乾淨企理！
呢個物品嘅好處喺唔洗用捲8字都唔緊，只要將捲線器好好扣緊或者綁緊就OK。
超得意嘅貓咪訂造收線器！
集比嘅耳機收線器種類豐富，甚至可以印上LOGO當成企業禮物！
有任何想做嘅訂造捲線器都歡迎嚟搵集比哦！
參考資料：
耳機線要怎麼繞再收納才不會打結？採八字繞法對折方法簡單不打結
為什麼耳機總是會自己打結? | 超邊緣冷知識 第4集 | 啾啾鞋