古人話：「書中自有黃金屋」。我諗,古人都系因為無電腦、無手機、無Wifi，先至會甘講嘅！書本可以寫嘅系有限，但系電子化資訊、網絡資源，呢D系你花成世時間都沒可能睇得完!電子產品就好似一本厚厚嘅百科全書，任何種類嘅資料，只要系電腦輸入關鍵字眼、撳一撳掣，資料就會即刻出現系你面前。（我相信，如果唐朝嘅李白詩人，生活系宜家呢個世代，佢都會用手機嘅語音功能來作詩呀….）

總系有D「守舊派」覺得我地系俾電子產品迷惑左…. 佢地總系覺得真實嘅書本先至系所謂嘅正統。其實，只是因為佢地無辦法接受「虛擬」嘅書本而已。時代一直變，將資訊寫系書商嘅人將會越來越少。你地睇睇最近嘅一D雜誌社就知道啦。系呢幾年有唔少雜誌社開始採用「電子化」，紛紛放棄印刷紙本嘅雜誌…呢個已經成為左一個趨勢啦！當然，唔系話書本唔好…但系當科技帶來更多方便、更快速資源嘅時候，系唔系應該試下去改變原有嘅諗法呢？尤其系呢個甘忙嘅時代，時間非常寶貴、生活步伐又非常急速，所以更加要講求高效率！

話說，之前無意間系網絡上睇到有趣嘅東西：一個「書本造型USB」創意禮物。有趣嘅系，呢樣物件同我岩岩講嘅議題有好大關聯！

我話，時代已經改變，好少人睇書；「守舊派」話，真實的書本才是正統。

但呢個「書本造型USB手指」…感覺就好似結合左兩派嘅諗法！佢其實系將USB手指嘅外型製作成書本嘅樣，當作創意禮物。呢個意義大概就系話，書本並無消失，只系跟住時代而改變左形態、改變左使用嘅方式，但就「以獲得資訊為目的」嘅本質來講，佢地並無任何差異！

哇…諗出呢個方法嘅人，真系太有才華啦！呢個諗法唔錯！可以甘巧妙甘融合兩派嘅諗法，對果D「守舊派」嘅人來講，呢個實在有好大嘅說服力啊！

呢個獨特嘅創意，讓古人講嘅「書中自有黃金屋」微微轉左個彎，一直到今日都可以通用呀！