2018新年到！常言道：「太歲當過頭，無福必有禍」。戊戌狗年犯太歲嘅生肖有：生肖狗(本命年值太歲)、生肖龍(沖太歲)、生肖牛(刑太歲)、生肖雞(害太歲)同埋生肖羊(破太歲)。

今年犯太歲嘅生肖，雖然睇落唔多掂而且令人擔心成年嘅運勢發展，但都唔好用逃避嘅心態面對，唔一定都喺唔好嘅事發生，只喺提醒下，畀你喺生活或者做嘢有個提醒。當然喺某D事情上面，要做番個化解動作先可以逢凶化吉~快D睇下有咩破解方法。

 

1. 目錄

   口舌是非遠離佢

雖然人生於世上，難免會有小人干擾，但犯太歲果年，遇上唔好嘅流言蜚語就好似踩到香口膠一樣點都甩唔開，所以今年要更加理性處理，小心對待，如非必要都唔好硬出頭，多一事不如少一事，明哲保身先喺上策啊~當然仲要心存善念，做嘢圓滑D，自然人緣就會好，貴人都過嚟幫助啦~

 

2. 避開太歲方位

根據算命大師嘅指點，今年太歲方位喺東北方，而破歲方位(亦即喺沖太歲嘅方位)喺西南方。我哋日常最多接觸嘅就喺床頭同office枱，所以如果您嘅方位咁啱喺東北方，而今年您又犯太歲，磁場會受到犯太歲嘅干擾，可能會經常出現睡眠不足、心神不定或者工作運勢低落等等，為咗過好日子，快D轉方向啦~

 

3. 注意交通安全

2018年犯太歲，喺健康安全上面最避諱血光之災，無論搭車定開車，都要注意安全。注意導航有冇問題，唔好開車上路先突然搵唔到方向，多準備幾個移動電源，以免導航出問題要用手機開google Map替換，如果手機冇電，手頭又冇移動電源，到時真喺好麻煩。再嚟唔好喺路上邊行邊用手機！(→唔理有冇犯太歲都唔可以啦！)

最後仲喺好唔放心嘅話，可以去廟求番個交通安全平安符，可以化解交通不利。

 

4. 年初拜太歲祈福上香好安心

最令人安心嘅方法喺年初果陣，去黃大仙廟拜太歲，上香祈求今年諸事順利，或者拎幾件衫畀廟方作法會，再拎番嚟著，有拜有保佑~

 

5. 笑口常開逢喜事

成日講只要心態好，做咩都會順利。所以經常保持樂觀嘅心態，自然身邊都會喺好事。新年到如果有親朋好友送禮，都要禮貌回送番個新年禮物，嚟個好事成雙。或者準備多幾樣新年禮物，上門拜謝曾經幫過你嘅人，廣結善緣。咁樣仲使驚遇到D咩壞事，因為您嘅好人緣通通都會幫你擋住啦~~~~

另外，多參加D良性朋友聚會或者婚禮等等喜慶場合，亦即喺人哋所講嘅「沖喜」，會對人嘅磁場能量產生正面嘅感染作用。準備好收紅色炸彈嘅銀兩，邁向新嘅一年！